Author: manju kumar

80:20 എന്ന സംസ്ഥാനത്തെ ന്യൂനപക്ഷ ക്ഷേമ പദ്ധതികളിലെ അനുപാതം ഹൈക്കോടതി റദ്ദാക്കി. 2015ലെ സംസ്ഥാന സർക്കാരിന്റെ ഉത്തരവാണ് കോടതി റദ്ദുചെയ്തത്. 20 ശതമാനം ഇതര ന്യൂനപക്ഷ വിഭാഗങ്ങൾക്കും 80 ശതമാനം മുസ്ലിം വിഭാഗത്തിനും എന്നായിരുന്നു നിലവിലെ അനുപാതം. ഇതാണ് ഇപ്പോൾ റദ്ധാക്കിയത്.

കോടതി നിലപാട് ഇപ്പോഴത്തെ ജനസംഖ്യാ കണക്കനുസരിച്ച് നടപടി സ്വീകരിക്കണമെന്നാണ്. വിധി പുറപ്പെടുവിച്ചത് ചീഫ് ജസ്റ്റിസ് അധ്യക്ഷനായ ബെഞ്ചാണ്. കോടതി നടപടി അഡ്വ.ജസ്റ്റിൻ പള്ളിവാതുക്കൽ നൽകിയ ഹർജിയിൽ ആണ്. വേണ്ടത്ര പഠനത്തിന്റെ അടിസ്ഥാനത്തിൽ അല്ല 2015ലെ സർക്കാരിന്റെ ഉത്തരവിൽ പറയുന്ന അനുപാതം തയാറാക്കിയതെന്ന് ഹർജിക്കാരും ചൂണ്ടിക്കാട്ടി.

എറണാകുളം: ഫിഷറീസ് വകുപ്പിന്റെ മാതൃകാ മത്സ്യഗ്രാമം പദ്ധതി സംസ്ഥാനത്ത് ആദ്യമായി ചെല്ലാനത്ത് നടപ്പാക്കും. കടലാക്രമണ ഭീഷണി നേരിടുന്നതിന് 18 കോടി രൂപയുടെ നിർമ്മാണ പ്രവർത്തനങ്ങളും യുദ്ധകാലാടിസ്ഥാനത്തിൽ ഇവിടെ നടപ്പാക്കും. ജിയോ ട്യൂബുകൾ സ്ഥാപിക്കുന്നതിനുള്ള നിലവിലുള്ള 8 കോടി രൂപയുടെ പദ്ധതി സമയബന്ധിതമായി പൂർത്തിയാക്കും.

എറണാകുളത്ത് ചേർന്ന മന്ത്രിതല യോഗത്തിലാണ് ഈ തീരുമാനങ്ങൾ. സംസ്ഥാനത്തിന്റെ തീരദേശ വികസനത്തിനായി പ്രഖ്യാപിച്ച 5000 കോടി രൂപയുടെ പാക്കേജ് അഞ്ചു വർഷത്തിനുള്ളിൽ നടപ്പാക്കുമെന്ന് ഫിഷറീസ് മന്ത്രി സജി ചെറിയാൻ പറഞ്ഞു.

ചെല്ലാനത്ത് കടലാക്രമണം ഉണ്ടായ പ്രദേശങ്ങൾ വ്യവസായ മന്ത്രി പി.രാജീവ്, ഫിഷറീസ് മന്ത്രി സജി ചെറിയാൻ എന്നിവരുടെ നേതൃത്വത്തിൽ ജനപ്രതിനിധികളും ഉദ്യോഗസ്ഥരുമടങ്ങുന്ന സംഘം സന്ദർശിച്ചു. ഇതിനു ശേഷം എറണാകുളം ഗസ്റ്റ് ഹൗസിൽ ചേർന്ന യോഗത്തിലാണ് ചെല്ലാനത്തെ തുടർ പ്രവർത്തനങ്ങൾക്ക് രൂപം നൽകിയത്.

തീരദേശ ഗ്രാമങ്ങളുടെ സമഗ്ര വികസനം ലക്ഷ്യമിട്ട് ഫിഷറീസ് വകുപ്പ് നടപ്പാക്കുന്ന
പദ്ധതിയാണ് മാതൃകാ മത്സ്യഗ്രാമം. ഈ പദ്ധതിയിൽ ആദ്യമായി ഏറ്റെടുക്കുന്നത് ചെല്ലാനം പഞ്ചായത്ത് ആയിരിക്കും. വിവിധ വകുപ്പുകളെ ഏകോപിപ്പിച്ച് നടപ്പാക്കുന്ന പദ്ധതി പൂർത്തിയാവുന്നതോടെ ചെല്ലാനത്തെ പ്രശ്നങ്ങൾക്ക് ശാശ്വത പരിഹാരമാകുമെന്ന് മന്ത്രിമാർ പറഞ്ഞു.

പദ്ധതിയുടെ പഠന റിപ്പോർട്ട് തയ്യാറാക്കാൻ തീരദേശ വികസന അതോറിറ്റി എം.ഡി ഷേക്ക് പരീതിനെ ചുമതലപ്പെടുത്തി.പദ്ധതി നിർവ്വഹണത്തിനായി രണ്ട് സമിതികൾ രൂപീകരിച്ചു. പൊതു മേൽനോട്ടത്തിനായി വ്യവസായ മന്ത്രി പി.രാജീവ് രക്ഷാധികാരിയായ സമിതിയേയും സാങ്കേതിക മേൽനോട്ടത്തിനായി തീരദേശ വികസന അതോറിറ്റി എം.ഡി. ഷേക്ക് പരത് അധ്യക്ഷനായ ടെക്നിക്കൽ കമ്മിറ്റിയെയും നിശ്ചയിച്ചു.

കടലാക്രമണം നേരിടുന്നതിന് അടിയന്തിര നടപടികൾ സ്വീകരിക്കുന്നതിനായി അനുവദിച്ച രണ്ടു കോടി രൂപ ഉടനെ വിനിയോഗിക്കും.ഒന്നാം പിണറായി സർക്കാരിന്റെ
നൂറുദിന പദ്ധതിയിലുൾപ്പെടുത്തി ആവിഷ്കരിച്ച 16 കോടി രൂപയുടെ കടൽഭിത്തി നിർമ്മാണ പദ്ധതി ടെട്രാബോർഡ് കവചം സ്ഥാപിക്കാനായി ഉപയോഗിക്കും.ഇതിനുള്ള ടെൻഡർ നടപടികൾ ജൂൺ 25 ന് പൂർത്തിയാക്കും.

വിജയൻ തോട്,ഉപ്പുതോട് ശുചീകരണം ഉടനടി പൂർത്തിയാക്കും. ജിയോ ട്യൂബ് സ്ഥാപിക്കുന്നതിനുള്ള 8 കോടി രൂപയുടെ പദ്ധതി നടപ്പാക്കി വരികയാണ്. ഇതിനുള്ള മണൽ കൊച്ചി തുറമുഖത്ത് നിന്ന് ലഭ്യമാക്കും. ചെല്ലാനത്ത് ഉടനടി നടപ്പാക്കേണ്ടതും ദീർഘകാലാടിസ്ഥാനത്തിൽ നടപ്പാക്കേണ്ടതുമായ പദ്ധതികൾ സമയബന്ധിതമായി പൂർത്തിയാക്കാനും യോഗം തീരുമാനിച്ചു.

ചെല്ലാനം ബസാർ ഭാഗത്ത് കടലാക്രമണമുണ്ടായ പ്രദേശങ്ങൾ മന്ത്രിമാർ സന്ദർശിച്ചു. ഇതിനു ശേഷം ഗസ്റ്റ് ഹൗസിൽ ചേർന്ന യോഗത്തിൽ മന്ത്രിമാർക്ക് പുറമേ ഹൈബി ഈഡൻ എം.പി, എം.എൽ.എമാരായ കെ.ജെ മാക്സി, കെ.എൻ. ഉണ്ണികൃഷ്ണൻ, ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ്, ചെല്ലാനം പഞ്ചായത്ത് പ്രസിഡന്റ് പി.ഡി.പ്രസാദ്, ജില്ലാ കളക്ടർ എസ്. സുഹാസ്, തീരദേശ വികസന അതോറിറ്റി എം.ഡി. ഷേക്ക് പരീത്, സബ് കലക്ടർ ഹാരിസ് റഷീദ്, ഡെപ്യൂട്ടി കളക്ടർ എസ്. ഷാജഹാൻ തുടങ്ങിയവർ പങ്കെടുത്തു.

ആലപ്പുഴ: കേരള സ്റ്റേറ്റ് ഡ്രഗ്സ് ആന്റ് ഫാർമസ്യൂട്ടിക്കൽസ് ചെയർമാൻ സ്ഥാനം സി.ബി. ചന്ദ്രബാബു ഒഴിഞ്ഞു. രാഷ്ട്രീയാടിസ്ഥാനത്തിൽ നിയമനം ലഭിച്ചവർ അതത് സ്ഥാനം രാജിവയ്ക്കണമെന്ന തീരുമാനത്തിന്റെ ഭാഗമായി വ്യവസായ വകുപ്പ് പ്രിൻസിപ്പൽ സെക്രട്ടറിക്ക് രാജി കൈമാറി. 2016ൽ വാർഷിക വിറ്റുവരവ് വൻ തോതിൽ കുറഞ്ഞ് 26.77 കോടിയും, നഷ്ടം 5.23 കോടിയും ആയ സാഹചര്യത്തിലാണ് കെ.എസ്.ഡി.പിയുടെ ചെയർമാനായി ചന്ദ്രബാബു നിയമിതനായത്. 2021 മാർച്ച് മാസം അവസാനിച്ച സാമ്പത്തിക വർഷം കെ.എസ്.ഡി.പിയുടെ വിറ്റുവരവ് 139 കോടിയും, ലാഭം 15 കോടിയുമായി. സ്തുത്യർഹമായ നിലയിൽ കമ്പനിയെ നയിക്കാൻ കഴിഞ്ഞ ചാരിതാർത്ഥ്യത്തോടെയാണ് പടിയിറക്കം. 1974-ൽ പ്രവർത്തനമാരംഭിച്ച പൊതുമേഖലയിലെ ഔഷധനിർമ്മാണ കമ്പനിയായ കെ.എസ്.ഡി.പി. നിരവധി കയറ്റിറക്കങ്ങൾ നേരിട്ടാണ് ഇന്നത്തെ നിലയിലെത്തിയത്. ഒന്നാം പിണറായി വിജയൻ സർക്കാരിന്റെ ഇച്ഛാശക്തിയോടെയുള്ള പ്രവർത്തനത്തിന്റെ ഭാഗമായി നടപ്പാക്കിയ വിപുലീകരണ നടപടികളാണ് ചന്ദ്രബാബുവിന്റെ നേതൃത്വത്തിൽ പൊതുമേഖല സ്ഥാപനമായ കെ.എസ്.ഡി.പിയുടെ കുതിച്ചുചാട്ടത്തിന് വഴിവച്ചത്. 2016-ൽ എൽ.ഡി.എഫ് സർക്കാർ അധികാരത്തിൽ വരുമ്പോൾ കെ.എസ്.ഡി.പി. പ്രതിസന്ധിയിലായിരുന്നു. സംസ്ഥാന സർക്കാർ ഓരോ വർഷത്തെയും ബജറ്റ് വഴി ആവിഷ്‌ക്കരിച്ച വികസന പദ്ധതിവഴി വൻ കുതിച്ചുചാട്ടമാണ് വിറ്റുവരവിലുണ്ടായത്. 2017-18 മുതൽ കമ്പനി തുടർച്ചയായി ലാഭത്തിലാണ്. ഈ കാലയളവിൽ ബീറ്റാലാക്ടം ഇൻജക്ഷൻ പ്ലാന്റ്, ലബോറട്ടറിയ്ക്ക് എൻ.എ.ബി.എൽ അക്രഡിറ്റേഷൻ, നോൺ ബീറ്റാലാക്ടം പ്ലാന്റ്, ഈ വർഷം ഉത്ഘാടനം ചെയ്ത നോൺ ബീറ്റാലാക്ടം ഇൻജക്ഷൻ പ്ലാന്റ് അങ്ങനെ നവീകരണത്തിന്റെ വിവിധഘട്ടങ്ങളിലൂടെ കെ.എസ്.ഡി.പി. നേട്ടം കൈവരിച്ചു. കാൻസർ മരുന്നുകളുടെ ഉത്പാദനം ലക്ഷ്യമിട്ട ഓങ്കോളജി ഫാർമ പാർക്കിന്റെ നിർമാണത്തിനുള്ള നടപടികൾ വേഗത്തിൽ നടന്നുവരികയാണ്. 6.38 ഏക്കർ സ്ഥലം സർക്കാർ കമ്പനിക്ക് കൈമാറി.

നോൺ ബീറ്റാലാക്ടം ഇൻജക്ഷൻ പ്ലാന്റിനൊപ്പം ആധുനിക സംവിധാനങ്ങൾ ഉള്ള പുതിയ അഡ്മിനിസ്ട്രേറ്റീവ് ബ്ലോക്കും നിർമിച്ചു. കോവിഡ് മഹാമാരി കാലത്ത് ജനങ്ങൾക്കൊപ്പം പ്രതിരോധ പ്രവർത്തനങ്ങളിലും സാനിറ്റൈസർ നിർമാണത്തിലും കമ്പനി സജീവമായത് ചെയർമാന്റെ നേതൃത്വത്തിൽ ആയിരുന്നു. മുഖ്യമന്ത്രി പിണറായി വിജയൻ, കഴിഞ്ഞ സർക്കാരിൽ മന്ത്രിമാരായിരുന്ന ഡോ. റ്റി.എം. തോമസ് ഐസക്ക്, ഇ.പി. ജയരാജൻ, എ.സി. മൊയ്തീൻ, കെ.കെ. ശൈലജ ടീച്ചർ, ടി.പി. രാമകൃഷ്ണൻ, മാനേജിംഗ് ഡയറക്ടർ ശ്യാമള എന്നിവർ വലിയ പിന്തുണ സ്ഥാപനത്തിന്റെ വളർച്ചയ്ക്ക് നൽകിയതായി സ്ഥാനമൊഴിയുന്ന ചെയർമാൻ അറിയിച്ചു.

അട്ടപ്പാടി ഷോളയൂര്‍ പഞ്ചായത്തിന്റെ ഭാഗമായ ശിരുവാണി വനമേഖലയിലുള്ള ശിങ്കപ്പാറ (മുത്തിക്കുളം) കോളനിക്കാർക്ക് ഇന്റര്‍നെറ്റ് കണക്റ്റിവിറ്റിയെന്ന സ്വപ്നം യാഥാർത്ഥ്യമാവുന്നു. കോളനിയിലേക്ക് ഡിജിറ്റല്‍ കവറേജും മൊബൈല്‍ നെറ്റ്‌വര്‍ക്കും ഉറപ്പുവരുത്തുന്നതിനുള്ള പ്രാരംഭ നടപടികൾ പൂർത്തീകരിക്കുകയും ലീസ് ലൈന്‍ കണക്ഷന്‍ വിപുലീകരിക്കുന്ന ജോലികള്‍ ബി‌.എസ്‌.എന്‍.എല്‍. പൂർത്തിയാക്കി കോളനിയില്‍ വൈഫൈ റൂട്ടറുകള്‍ സ്ഥാപിക്കുകയും ചെയ്തു.
കോളനികാർക്ക് അടിസ്ഥാന ആവശ്യങ്ങൾക്കായി ഷോളയൂരിലെത്താന്‍ രണ്ടര മണിക്കൂർ യാത്ര ചെയ്യണം. ഇരുള വിഭാഗത്തിലെ 36 കുടുംബങ്ങളാണ് പ്രദേശത്ത് താമസിക്കുന്നത്.
2021 ഫെബ്രുവരിയിൽ ഒറ്റപ്പാലം സബ് കലക്ടറും അട്ടപ്പാടി നോഡൽ ഓഫീസറുമായിരുന്ന അർജ്ജുൻ പാണ്ഡ്യൻ കോളനി സന്ദര്‍ശിച്ച വേളയിൽ വിദ്യാര്‍ത്ഥികള്‍ക്ക് അടിയന്തിരാവശ്യങ്ങള്‍ക്കും ഓണ്‍ലൈന്‍ ക്ലാസുകൾക്കും ഇന്റര്‍നെറ്റ് കണക്ഷൻ ഉറപ്പാക്കാൻ കാടിന് പുറത്തുള്ള എസ് വളവ് വരെ അഞ്ച് കിലോമീറ്റര്‍ നടക്കേണ്ട അവസ്ഥയാണെന്ന് മനസ്സിലാക്കി. ഇതിന് പരിഹാരമായാണ് ഇന്റർനെറ്റ് കണക്ഷൻ സ്ഥാപിക്കുന്നതിനുള്ള നടപടികൾ ആരംഭിച്ചത്.

മാര്‍ച്ച് മാസത്തിൽ വനം വകുപ്പ്, ശിരുവാണി ജലസേചന പദ്ധതി, പട്ടികവർഗ്ഗ വികസന വകുപ്പ്, ബി‌.എസ്‌.എന്‍.എല്‍. ഉദ്യോഗസ്ഥരുമായി സബ് കലക്ടര്‍ യോഗം ചേരുകയും ആവശ്യമായ അനുമതി നല്‍കാമെന്ന് വനം വകുപ്പ് സമ്മതിക്കുകയും ചെയ്തു. തുടർന്ന് ശിരുവാണി ഡാമിലെ ജലനിരപ്പ് നിരീക്ഷിക്കുന്നതിനായി സ്ഥാപിച്ചിട്ടുള്ള ബി.എസ്.എന്‍.എല്‍. ലീസ് ലൈനില്‍ നിന്നും കോളനിയിലേക്ക് ഇന്റര്‍നെറ്റ് സൗകര്യം ലഭ്യമാക്കുന്നതിനുള്ള സൗകര്യം വിപുലീകരിക്കാന്‍ ശിരുവാണി ജലസേചന പദ്ധതി അധികൃതര്‍ സന്നദ്ധത പ്രകടിപ്പിച്ചതിന്റെ അടിസ്ഥാനത്തിലാണ് ബി‌.എസ്‌.എന്‍.എല്‍ ആക്ഷന്‍ പ്ലാന്‍ തയ്യാറാക്കി പദ്ധതി ആരംഭിച്ചത്.
പദ്ധതി യാഥാർത്ഥ്യമാവുന്നതോടെ കോളനിവാസികള്‍ക്ക് ഇന്റര്‍നെറ്റ് ഉപയോഗിക്കാൻ കഴിയും. എല്ലാ സ്മാര്‍ട്ട് ഫോണുകളിലും ‘വൈഫൈ കോളിംഗ്’ ഓപ്ഷന്‍ ഉപയോഗിച്ച് കോളുകള്‍ വിളിക്കാനും സാധിക്കും. തുടക്കത്തില്‍ വേഗത എട്ട് എം‌ബി‌പി‌എസ് ആയിരിക്കും, കൂടാതെ പത്ത് പേര്‍ക്ക് ഒരേ സമയം ഉപയോഗിക്കാനും കഴിയും.

നിലവില്‍ ഇന്‍സ്റ്റാള്‍ ചെയ്തിട്ടുള്ള സംവിധാനത്തിന്റെ പ്രവര്‍ത്തന പുരോഗതിയെ അടിസ്ഥാനമാക്കി വരും ദിവസങ്ങളില്‍ സേവനം വിപുലീകരിക്കും. അംബേദ്കര്‍ സെറ്റില്‍മെന്റ് പദ്ധതിക്ക് കീഴില്‍ കോളനി വികസനത്തിനായി പട്ടികവര്‍ഗ്ഗ വികസന വകുപ്പ് മുഖേന ഒരു കോടി രൂപയുടെ പ്രവര്‍ത്തനങ്ങള്‍ കോളനിയില്‍ നിര്‍വഹിക്കുന്നുണ്ടെന്നും സബ് കലക്ടർ അറിയിച്ചു.

തിരുവനന്തപുരം: പുതിയ എൽഡിഎഫ് സർക്കാരിന്റെ നയപ്രഖ്യാപനത്തെ വിമർശിച്ച് പ്രതിപക്ഷം. മതിയായ പ്രഖ്യാപനങ്ങൾ ആരോഗ്യ- വിദ്യാഭ്യാസ-ദുരന്തനിവാരണ രംഗത്തെ് ഇല്ലെന്ന് പ്രതിപക്ഷം ആരോപിച്ചു.

പുതിയ പ്രഖ്യാപനങ്ങൾ സുപ്രധാനമായ ആരോഗ്യ, വിദ്യാഭ്യാസ, ദുരന്തനിവാരണ മേഖലകളിൽ പ്രതീക്ഷിച്ചിരുന്നുവെന്നും അതുണ്ടായില്ലെന്നും പ്രതിപക്ഷ നേതാവ് വിഡി സതീശൻ പറഞ്ഞു.പുത്തൻ ആരോഗ്യനയം കോവിഡ് മൂന്നാം തരംഗത്തിന്റെ സാധ്യത നിലനിൽക്കെ ഉണ്ടാകേണ്ടത് അത്യാവശ്യമായിരുന്നുവെന്നും അത് ഉണ്ടായില്ലെന്നും പ്രതിപക്ഷ നേതാവ് പറഞ്ഞു.

സർക്കാരിന്റെ അവകാശവാദം കോവിഡ് മരണ നിരക്ക് കുറക്കാൻ കഴിഞ്ഞെന്നാണ്. എന്നാൽ ഇതിൽ പലയിടത്തുനിന്നും ധാരാളം പരാതികൾ ഉണ്ടെന്നും മരണപ്പെടുന്ന പലരെയും പട്ടികയിൽ ഉൾപ്പെടുത്തുന്നില്ലെന്നും അദ്ദേഹം പറഞ്ഞു. മനപൂർവ്വം കോവിഡ് മരണനിരക്ക് കുറയ്ക്കരുതെന്നും പ്രതിപക്ഷ നേതാവ് പറഞ്ഞു

തി​രു​വ​ന​ന്ത​പു​രം : വെ​ട്ടേ​റ്റ് കൊ​ല്ല​പ്പെ​ട്ട​യാ​ളെ തി​രി​ച്ച​റി​ഞ്ഞു. ചി​റ​യി​ൻ​കീ​ഴ് മു​ട​പു​ര​ത്ത് വെട്ടേറ്റ് മരിച്ച ആളെയാണ് തിരിച്ചറിഞ്ഞത്. അ​ര​യ​തു​രു​ത്ത് സ്വ​ദേ​ശി അ​ജി​ത്(31) ആ​ണ് മ​രി​ച്ച​ത്.

നി​ര​വ​ധി കേ​സു​ക​ളി​ൽ പ്ര​തി​യാണ് ഇയാൾ. മൃതദേഹം ആദ്യം കണ്ടത് വ​യ​ൽ പാ​ട​ത്തു കൂ​ടി ന​ട​ന്നു പോ​യ ആ​ളു​ക​ളാ​ണ് . മു​തി​കി​ലും ത​ല​യ്ക്കും ആണ് വെട്ടേറ്റത്. പോ​ലീ​സ് സം​ഘ​വും ഡോ​ഗ് സ്‌​ക്വാ​ഡും സ്ഥ​ല​ത്തെ​ത്തി ആ​റ്റി​ങ്ങ​ൽ ഡി​വൈ​എ​സ്പി ഹ​രി​യു​ടെ നേ​തൃ​ത്വ​ത്തിൽ അ​ന്വേ​ഷ​ണം ആ​രം​ഭി​ച്ചു.