Author: Sreelal

തൃശൂർ ജില്ലയിലെ റോഡ് വികസന പദ്ധതികൾക്കായി എല്ലാ വകുപ്പുകളും കൈകോർക്കുമെന്ന് മന്ത്രി പി.എ മുഹമ്മദ് റിയാസ്. ജില്ലയിലെ മന്ത്രിമാർ, എം എൽ എമാർ, കലക്ടർ, വകുപ്പുദ്യോഗസ്ഥർ എന്നിവരുമായി ചേർന്ന ഉന്നതതലയോഗത്തിലാണ് മന്ത്രി ഇക്കാര്യം അറിയിച്ചത്. ജില്ലയിലെ എല്ലാ എം.എൽ.എമാരുടെയും നിയോജക മണ്ഡലങ്ങളിൽ നടക്കുന്ന റോഡ് നിർമാണ പ്രവൃത്തികളുടെ നിലവിലെ സ്ഥിതി ഉദ്യോഗസ്ഥർ വിലയിരുത്തി. റിപ്പോർട്ട് മന്ത്രിയുടെ ഓഫീസിൽ നൽകുന്നതിനായുള്ള ആദ്യ യോഗമാണ് ചേർന്നത്. വർഷത്തിൽ 3 തവണ ഇപ്രകാരം യോഗം ചേർന്ന് സ്ഥിതിഗതികൾ വിലയിരുത്തും.

എല്ലാ ജില്ലകളിലും ഇത്തരം മീറ്റിങുകൾ നടന്നുവരുന്നതായും ഇത് ഗുണം ചെയ്യുമെന്നും മന്ത്രി പറഞ്ഞു. നിർമാണത്തിലെ തടസ്സങ്ങൾ നീക്കി വേഗത കൂട്ടാൻ വേണ്ട നടപടികൾ സ്വീകരിക്കാൻ ഉദ്യോഗസ്ഥർ ശ്രദ്ധ ചെലുത്തണം. എല്ലാമാസവും ഡിവിഷൻ തലത്തിൽ യോഗം ചേർന്ന് മിനിറ്റ്സ് അയക്കണം. കരാറുകാർ നിർമാണം പൂർത്തീകരണം അകാരണമായി നീട്ടി കൊണ്ട് പോകരുത്. ഉദ്യോഗസ്ഥർ ഓരോ ഫയലുകളും എസ്റ്റിമേറ്റുകളും അന്നുതന്നെ തീർപ്പാക്കണം. നിർമാണ പ്രവർത്തന പുരോഗതി അപ്പപ്പോൾ അതത് മണ്ഡലത്തിലെ എം.എൽ.എമാരെ അറിയിക്കണം. ഇതിനായി എല്ലാ വകുപ്പുകളും കൈകോർത്ത് പ്രവർത്തിക്കണമെന്നും മന്ത്രി യോഗത്തിൽ നിർദ്ദേശിച്ചു.

കാലവർഷം സംസ്ഥാനത്ത് ശക്തിപ്രാപിച്ച സാഹചര്യത്തിൽ എറണാകുളം ഉൾപ്പെടെ നാല് ജില്ലകളിൽ ഓറഞ്ച് അലേർട്ട് പ്രഖ്യാപിച്ചു. തെക്കൻ കേരളത്തിലും മധ്യകേരളത്തിലും മഴ കനത്തേക്കുമെന്നാണ് കാലാവസ്ഥാ നിരീക്ഷണ കേന്ദ്രം മുന്നറിയിപ്പ്.

തിരുവനന്തപുരം, കൊല്ലം, പത്തനംതിട്ട,ആലപ്പുഴ, കോട്ടയം, എറണാകുളം, ഇടുക്കി, തൃശൂർ, കാസർഗോഡ് ജില്ലകളിൽ നാളെ യെല്ലോ മുന്നറിയിപ്പും പുറപ്പെടുവിച്ചു. ചൊവ്വ, ബുധൻ ദിവസങ്ങളിലും സംസ്ഥാനത്ത് അതിശക്തമായ മഴയ്ക്ക് സാധ്യതയുണ്ട്. മലയോര മേഖലകളിൽ ജാഗ്രത നിർദ്ദേശം നൽകിയിരിക്കുകയാണ്.

കൊല്ലം:കൊവിഡ് മാനദണ്ഡ ലംഘനത്തിനെതിരായി ജില്ലയിൽ താലൂക്കു തലത്തിൽ നടത്തിയ സ്‌ക്വാഡ് പരിശോധനയില്‍ 19 സ്ഥാപനങ്ങള്‍ക്ക് പിഴ ചുമത്തി. കൊട്ടാരക്കരയിലെ ചടയമംഗലം, ചിതറ, ഇളമാട്, കരീപ്ര, ഇട്ടിവ, കുളക്കട, കുമ്മിള്‍,മൈലം, നെടുവത്തൂര്‍, നിലമേല്‍, പൂയപ്പള്ളി, വെളിയം, വെളിനല്ലൂര്‍, വെട്ടിക്കവല ഭാഗങ്ങളില്‍ നടത്തിയ പരിശോധനയില്‍ 11 കേസുകള്‍ക്ക് പിഴ ഈടാക്കുകയും, 170 എണ്ണത്തിന് താക്കീത് നല്‍കുകയും ചെയ്തു.

കൊല്ലത്തെ ചാത്തന്നൂര്‍, പൂതക്കുളം, കല്ലുവാതുക്കല്‍, പനയം, കൊല്ലം കോര്‍പ്പറേഷന്‍, ഇളമ്പള്ളൂര്‍, പേരയം, പെരിനാട്, പരവൂര്‍ എന്നിവിടങ്ങളില്‍ സെക്ടറല്‍ മജിസ്‌ട്രേറ്റുമാരുടെ നേതൃത്വത്തില്‍ നടത്തിയ പരിശോധനയില്‍ ആറു കേസുകളില്‍ പിഴയീടാക്കി. 17 സ്ഥാപനങ്ങള്‍ക്ക് താക്കീത് നല്‍കി. കുന്നത്തൂരിലെ വിവിധ പ്രദേശങ്ങളില്‍ നടത്തിയ പരിശോധനയില്‍ 46 കേസുകള്‍ക്ക് താക്കീത് നല്‍കുകയും രണ്ടു കേസുകള്‍ക്ക് പിഴ ഈടാക്കുകയും ചെയ്തിട്ടുണ്ട്.

കൊല്ലം: അഞ്ചലിൽ സ്ത്രീധന പീഢനത്തിന്റെ പേരിൽ ആത്മഹത്യ ചെയ്ത വിസ്മയയുടെ മരണത്തിന് ഉത്തരവാദിയായ പ്രതി മോ​ട്ടോ​ര്‍ വെ​ഹി​ക്കി​ള്‍ ഇ​ന്‍​സ്പെ​ക്ട​ര്‍ കി​ര​ണ്‍ കു​മാ​റി​നെ സ​ര്‍​വീ​സി​ല്‍ നി​ന്നും പി​രി​ച്ചു​വി​ട്ട ന​ട​പ​ടി​യി​ൽ വീ​ഴ്ച​യി​ല്ലെ​ന്ന് മ​ന്ത്രി ആ​ന്‍റ​ണി ​രാ​ജു. ച​ട്ട​പ്ര​കാ​ര​മാ​ണ് കി​ര​ണ്‍ കു​മാ​റി​നെ പി​രി​ച്ചു​വി​ട്ട​തെന്നും, ന​ട​പ​ടി​ക്ര​മ​ങ്ങ​ളി​ൽ വീ​ഴ്ച​യി​ല്ലെ​ന്നും മ​ന്ത്രി വിശദീകരിച്ചു. സ്ത്രീ​ധ​ന ​പീ​ഡ​ന​ത്തെ തു​ട​ർ​ന്ന് മരിച്ച വി​സ്മ​യ​യു​ടെ വീ​ട് സ​ന്ദ​ർ​ശി​ച്ച ശേ​ഷം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

വി​സ്മ​യ കേ​സി​ല്‍ റി​മാ​ൻഡിൽ ക​ഴി​യു​ന്ന കി​ര​ണ്‍ കു​മാ​റി​നെ കഴിഞ്ഞ ദിവസമാണ് സ​ര്‍​വീ​സി​ല്‍ നി​ന്നും പി​രി​ച്ചു​വി​ട്ടു​കൊ​ണ്ട് ഗ​താ​ഗ​ത വ​കു​പ്പ് ഉ​ത്ത​ര​വ് പു​റ​പ്പെ​ടു​വി​ച്ച​ത്. സ്ത്രീ വിരുദ്ധ പ്രവര്‍ത്തിയും, സാമൂഹ്യ വിരുദ്ധവും, ലിംഗ നീതിയ്ക്ക് നിരക്കാത്ത നടപടിയും ഗുരുതരമായ നിയമലംഘനവും പെരുമാറ്റ ദൂഷ്യവും ച‍ൂണ്ടികാട്ടിയാണ് പിരിച്ചു വിട്ടിരിക്കുന്നത്.

കൊവിഡ് ഇവുകളുടെ പശ്ചാത്തലത്തിൽ സംസ്ഥാനത്ത് സിനിമ തിയറ്ററുകൾ തുറക്കാൻ ഉടൻ അനുമതി നൽകണമെന്ന ആവശ്യവുമായി തിയറ്റർ സംഘടനയായ ഫിയോക്. തിയറ്ററുകൾ വിറ്റ് നടപടി ഒഴിവാക്കാനുള്ള സാഹചര്യം ഇപ്പോൾ നടക്കുന്നില്ല. ദിവസേന 4 ഷോകൾ നടത്താൻ അനുമതി നൽകണം. തിയറ്റർ ഉടമകൾ വലിയ പ്രതിസന്ധിയിലാണെന്നും ലോൺ തിരിച്ചടയ്ക്കാൻ കഴിയാത്ത അവസ്ഥയിലാണെന്നും സംഘടന അറിയിച്ചു.

അതേ സമയം, ലോക്ക്ഡൗൺ ഇളവുകളിലെ മാനദണ്ഡങ്ങളെപറ്റിയുള്ള വിവാദങ്ങൾ ശക്തമാകുന്നതിനിടെ ഇന്ന് മുഖ്യമന്ത്രിയുടെ നേതൃത്വത്തിൽ കൊവിഡ് അവലോകന യോഗം തിരുവനന്തപുരത്ത് ചേർന്ന് സ്ഥിതിഗതികൾ വിലയിരുത്തും.

തിരുവനന്തപുരം: റോഡപകടത്തിൽ പരിക്കേറ്റ യുവാവ് രക്തം വാര്‍ന്ന്മരിച്ചു. കാട്ടാക്കട തൂങ്ങാംപാറ ചെട്ടിക്കോണം തോപ്പുവിളാകത്ത് വീട്ടിൽ അഖിൽ പ്രമേഷ് (22) ആണ് മരിച്ചത്. തിരുവല്ലം അശോഖ് ലൈലാൻഡ് കമ്പനിയിലെ മെക്കാനിക്കൽ ജീവനക്കാരനാണ് പ്രമേഷ്. വെള്ളിയാഴ്ച രാവിലെ 8.30 ഓടെ തിരുവല്ലം ചിത്രാഞ്ജലി റോഡിന് അടുത്തുള്ള വളവിലായിരുന്നു അപകടം.

പാച്ചല്ലുർ ഭാഗത്ത് നിന്ന് തിരുവല്ലം വഴി കിഴക്കേകോട്ടയിലേക്ക് പോയ ബസിനെ മറികടക്കുന്നതിനിടെ ബൈക്കിന്‍റെ ഹാൻഡിൽ ബസിൽ തട്ടുകയായിരുന്നു. ഇതേ തുടര്‍ന്ന് നിയന്ത്രണം വിട്ട ബൈക്ക് ഓടിക്കൊണ്ടിരുന്ന ബസിനടിയിൽപ്പെട്ടാണ് അപകടമുണ്ടായതെന്ന് തിരുവല്ലം പൊലീസ് പറഞ്ഞു.

തൃശൂർ:നിർമാണത്തിനിടെ മണ്ണിടിഞ്ഞ് അന്യ സംസ്ഥാന തൊഴിലാളിക്ക് പരിക്കേറ്റു. പാലത്തിന്റെ അടിത്തറയിൽ കോൺക്രീറ്റ് ചെയ്യാൻ കമ്പി കെട്ടുന്നതിനിടെയാണ് മണ്ണിടിഞ്ഞ് വീണത്. മണ്ണിനടിയിൽ പെട്ട തൊഴിലാളിയായ ബംഗാൾ സ്വദേശിബിജോയ് സർക്കാരി (24)നെ,

കൂടെ ഉണ്ടായിരുന്ന തൊഴിലാളികളും നാട്ടുകാരും ചേർന്ന് മണ്ണു മാറ്റി രക്ഷപ്പെടുത്തി ചാലക്കുടിയിലെ സ്വകാര്യ ആശുപത്രിയിലെത്തിച്ചു. ശക്തമായ മഴയിൽ മലയിൽ നിന്നുള്ള ഉറവ വളരെ കൂടിയതോടെയാണ് മുകളിൽ നിന്ന് മണ്ണിടിഞ്ഞത്.

കൊച്ചി: ജില്ലാ കളക്ടർ ജാഫർ മാലിക്കിന്റെ നേതൃത്വത്തിൽ ഫോർട്ട് കൊച്ചി ആർ.ഡി.ഒ ഓഫീസിൽ റെയ്ഡ് നടത്തി. രാവിലെ എത്തിയ ഉദ്യോഗസ്ഥ സംഘം ഉച്ചയ്ക്ക് ശേഷമാണ് പരിശോധന പൂർത്തിയാക്കി മടങ്ങിയത്. ഫയലുകൾ കെട്ടിക്കിടക്കുന്നുണ്ടെന്നും ഇവയിൽ തീർപ്പുണ്ടാക്കുന്നതിന് പ്രത്യേക അദാലത്ത് നടത്തുമെന്നും ജില്ലാ കളക്ടർ ജാഫർ മാലിക്ക് വ്യക്തമാക്കി.

ഫോർട്ടു കൊച്ചി സബ് കളക്ടർ ഡോ. ഹാരീസ് റഷീദും ഓഫീസിൽ ഉണ്ടായിരിന്നു. കളക്ടർ സന്ദർശനത്തിനെത്തുമ്പോഴും ധാരാളം ആളുകൾ അപേക്ഷകളുമായി ഓഫീസിലെത്തിയിരുന്നു. അപേക്ഷ സ്വീകരിക്കാതിരുന്ന ഇവരുടെ അപേക്ഷകളെല്ലാം സ്വീകരിക്കാൻ ഉദ്യോഗസ്ഥർ തയ്യാറായെന്നും ശ്രദ്ധേയമായി.