Author: Web Desk

ഡല്‍ഹിയില്‍ നിന്നും ഒഡീഷയിലേക്ക് യാത്ര ചെയ്ത മലയാളികള്‍ ഉള്‍പ്പെട്ട കന്യാസ്ത്രീ സംഘത്തിന് നേരെ ബജ്‌റംഗദള്‍ പ്രവര്‍ത്തകരുടെ ആക്രമണത്തിനെതിരെ പ്രതികരിച്ച് മുഖ്യമന്ത്രി പിണറായി വിജയന്‍ എഴുതിയ ഫേസ്ബുക്ക് പോസ്റ്റ് സോഷ്യല്‍ മീഡിയയില്‍ ചര്‍ച്ചയാകുന്നു.

ആദ്യം എഴുതിയ പോസ്റ്റിലെ എഡിറ്റ് ചെയ്ത ഭാഗമാണ് ചര്‍ച്ചയായിരിക്കുന്നത്. ട്രെയിനില്‍ യാത്ര ചെയ്യുന്ന കന്യാസ്ത്രീകളെയും പുതുതായി ക്രിസ്തുമതം സ്വീകരിച്ചവരെയും അക്രമിച്ചവര്‍ക്കെതിരെ കര്‍ശന നടപടിയെടുക്കണമെന്നായിരുന്നു മുഖ്യമന്ത്രി ആദ്യം പോസ്റ്റ് ചെയ്തത്.

അതില്‍ നിന്ന് പുതുതായി ക്രിസ്തുമതം സ്വീകരിച്ചവര്‍ എന്ന ഭാഗം രണ്ടാമത്തെ പോസ്റ്റില്‍ എഡിറ്റ് ചെയ്ത് സന്യാസാര്‍ത്ഥികളെ എന്നാക്കി മാറ്റി. മതപരിവര്‍ത്തനം ആരോപിച്ചാണ് കന്യാസ്ത്രീകള്‍ക്ക് നേരെ ഉത്തരേന്ത്യയില്‍ സംഘ്പരിവാര്‍ ആക്രമങ്ങള്‍ പ്രധാനമായും നടക്കുന്നത്. അതിനിടയിലാണ് മുഖ്യമന്ത്രിയുടെ ഫേസ്ബുക്ക് പോസ്റ്റ് ഷെയര്‍ ചെയ്തിരിക്കുന്നത്.

കോഴിക്കോട്: തലശേരിയിലും ഗുരുവായൂരിലും ബിജെപി വോട്ട് വേണ്ടെന്ന് പറയില്ലെന്ന് പ്രതിപക്ഷ നേതാവ് രമേശ് ചെന്നിത്തല. തിരഞ്ഞെടുപ്പില്‍ വോട്ട് വേണ്ട എന്ന് ആരും പറയില്ലെന്നും പ്രത്യേക രാഷ്ട്രീയമില്ലാത്ത ധാരാളം ആളുകളുണ്ട്. അവര്‍ ഇഷ്ടമുളളയാള്‍ക്ക് വോട്ട് ചെയ്യും. വോട്ട് വേണ്ടെന്ന് പറയുന്നത് നിഷേധാത്മകമായ സമീപനമാണ്. സിപിഎം അങ്ങനെ ആരുടെയെങ്കിലും വോട്ട് വേണ്ടെന്ന് പറഞ്ഞിട്ടുണ്ടോയെന്നും ചെന്നിത്തല ചോദിച്ചു.

സര്‍ക്കാര്‍ തിരഞ്ഞെടുപ്പ് പ്രമാണിച്ച് സംസ്ഥാനത്ത് വന്‍അഴിമതി നടത്തുന്നു. എല്‍.പി, യു.പി സ്‌കൂള്‍ കുട്ടികള്‍ക്ക് ഓണത്തിന് നല്‍കേണ്ട അരി പിടിച്ചുവെച്ച് ഇപ്പോള്‍ വിതരണം ചെയ്യുകയാണ്. വിഷുവിന് നല്‍കേണ്ട കിറ്റ് ഏപ്രില്‍ ആറിന് മുന്‍പ് വിതരണം ചെയ്യുന്നുവെന്നും പ്രതിപക്ഷ നേതാവ് സൂചിപ്പിച്ചു.

തിരഞ്ഞെടുപ്പ് കണക്കാക്കിയാണ് നേരത്തെ കിറ്റ് വിതരണം നടത്തുന്നത്. എന്നാല്‍ മുന്‍പ് ഓണത്തിന് കൃത്യമായി കിറ്റ് നല്‍കിയതുമില്ല. ഏപ്രില്‍, മേയ് മാസങ്ങളിലെ പെന്‍ഷന്‍ തിരഞ്ഞെടുപ്പിന് മുന്‍പ് വിതരണം ചെയ്യുന്നു. ഇതും ഒരു പാര്‍ട്ടിക്ക് തിരഞ്ഞെടുപ്പില്‍ മേല്‍ക്കൈ നേടാനാണ്. തിരഞ്ഞെടുപ്പ് കമ്മീഷനോട് ഇതിനെ കുറിച്ച് പരാതിപ്പെടുമെന്നും അദ്ദേഹം സൂചിപ്പിച്ചു.

കൊല്ലം: അമ്പലങ്ങളുടെ കാര്യത്തില്‍ സര്‍ക്കാര്‍ ഇടപെടല്‍ പാടില്ലെന്ന് കേന്ദ്ര ആഭ്യന്തരമന്ത്രി അമിത് ഷാ. എന്‍ ഡി എ സ്ഥാനാര്‍ത്ഥികളുടെ തിരഞ്ഞെടുപ്പ് പ്രചരണാര്‍ത്ഥം കൊല്ലം പുറ്റിങ്ങളില്‍ സംഘടിപ്പിച്ച പൊതുയോഗത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. കേരളത്തില്‍ താമര വിരിയണമെന്നും അതിനായി ഇടത് വലത് മുന്നണികളെ ഒഴിവാക്കണമെന്നും അദ്ദേഹം ആവശ്യപ്പെട്ടു.

അതേസമയം മുഖ്യമന്ത്രിക്ക് നേരെ രൂക്ഷവിമര്‍ശനത്തിലായിരുന്നു അമിത് ഷായുടെ പ്രസംഗം. ‘താങ്കളുടെ പ്രിന്‍സിപ്പല്‍ സെക്രട്ടറി സ്വര്‍ണക്കടത്തില്‍ ഉള്‍പ്പെട്ടിട്ടില്ലേ? സ്വര്‍ണക്കടത്ത് കേസ് പ്രതിക്ക് താങ്കളുടെ ഓഫിസില്‍ നിന്ന് മൂന്ന് ലക്ഷം രൂപ നല്‍കിയിരുന്നില്ലേ? കേസിലെ മുഖ്യ കുറ്റാരോപിതയെ താങ്കളുടെ പ്രിന്‍സിപ്പല്‍ സെക്രട്ടറി സര്‍ക്കാര്‍ ചെലവില്‍ കൊണ്ടു പോയില്ലേ? മുഖ്യ കുറ്റാരോപിത മുഖ്യമന്ത്രിയുടെ വീട്ടില്‍ കയറി ഇറങ്ങിയില്ലേ? എയര്‍പോര്‍ട്ടില്‍ പിടിച്ച സ്വര്‍ണം വിടുവാന്‍ താങ്കളുടെ ഓഫീസില്‍ നിന്ന് ഇടപെടല്‍ ഉണ്ടായോ? ഇ ഡി, കസ്റ്റംസ് ഉദ്യോഗസ്ഥര്‍ക്കു മേല്‍ ആക്രമണം ഉണ്ടായപ്പോള്‍ എന്തുകൊണ്ട് നിങ്ങള്‍ നടപടിയെടുത്തില്ല. പൊലീസ് യൂണിഫോമില്‍ ശബരിമലയില്‍ പാര്‍ട്ടി പ്രവര്‍ത്തകരെ കയറ്റിയില്ലേ. എന്നീ ചോദ്യങ്ങളായിരുന്നു മുഖ്യമന്ത്രിയാേട് ഉന്നയിച്ചത്. സ്വര്‍ണക്കടത്തിനെ കുറിച്ച് ചോദിക്കുന്നത് പിണറായിക്ക് ഇഷ്ടമല്ലെന്നും അമിത്ഷാ പറഞ്ഞു.

‘മോദിയ്‌ക്കൊപ്പം പുതിയ കേരളം ഉണ്ടാകണം. കമ്മ്യൂണിസ്റ്റുകളും, കോണ്‍ഗ്രസും ചേര്‍ന്ന് കേരളത്തെ അഴിമതിയുടെ കേന്ദ്രമാക്കി മാറ്റി. കോണ്‍ഗ്രസ് വരുമ്പോള്‍ സോളാര്‍ അഴിമതി, കമ്മ്യൂണിസ്റ്റ് വരുമ്പോള്‍ ഡോളര്‍ അഴിമതി. ലോകം മുഴുവനും കമ്മ്യൂണിസം നശിച്ചു. കോണ്‍ഗ്രസ് പാര്‍ട്ടി ഇന്ത്യയില്‍ ഇല്ലാതായി. മതേതര പാര്‍ട്ടിയെന്ന് പറയുന്ന കോണ്‍ഗ്രസ്, മുസ്ലിം ലീഗുമായി കൂടുന്നു. ശിവസേനയുമായാണ് മഹാരാഷ്ട്രയിലെ സഖ്യം. ഇതുപോലൊരു പാര്‍ട്ടിയെ ഞാന്‍ കണ്ടിട്ടില്ല. മതിഭ്രമം ബാധിച്ച നേതൃത്വമാണ് കോണ്‍ഗ്രസിന്. രാഹുല്‍ ബാബ കേരളത്തില്‍ പിക്നികിനാണ് വരുന്നത്. കേരളത്തില്‍ സി.പി.എമ്മിനെതിരെ മത്സരിച്ചിട്ട് ബംഗാളില്‍ സി.പി.എമ്മുമായി സഖ്യത്തിലാണ് കോണ്‍ഗ്രസ്. മോദിയുടെയും ഇ .ശ്രീധരന്റെയും നേതൃത്വത്തില്‍ ബിജെപിക്ക് മാത്രമേ കേരളത്തെ രക്ഷിക്കാനാവൂ’- അമിത് ഷാ പറഞ്ഞു.

തിരുവനന്തപുരം:മുന്‍ കേരള മുഖ്യമന്ത്രിയുമായ ഉമ്മന്‍ ചാണ്ടി നല്‍കിയ തിരഞ്ഞെടുപ്പ് സത്യവാങ്മൂലം അരിയാഹാരം കഴിക്കുന്ന ആരെങ്കിലും വിശ്വസിക്കുമോയെന്ന ഹരീഷ് വാസുദേവന്റെ ആരോപണത്തിന് മറുപടിയുമായി ഉമ്മന്‍ചാണ്ടിരംഗത്ത്.

ഹരീഷ് വാസുദേവന്റെ പേരെടുത്ത് പറയാതെ ആരോപണമുയര്‍ന്ന ചോദ്യങ്ങള്‍ എണ്ണിനിരത്തിയാണ് ഉമ്മന്‍ചാണ്ടി ഫെയ്സ്ബുക്കിലൂടെ മറുപടി നല്‍കിയത്.

സത്യവാങ്മൂലത്തില്‍ ആദായനികുതി അടച്ചതില്‍ തെറ്റുണ്ടെന്ന ആരോപണത്തിന് അലവന്‍സുകള്‍ ആദായനികുത പരിധിയില്‍ വരില്ല. അതുകൊണ്ടാണ് ആദായ നികുതി അടയ്ക്കാത്തത് എന്നാണ് മറുപടി ഉമ്മന്‍ചാണ്ടി  മറുപടി നല്‍കിയത്.

ഫെയ്സ്ബുക്ക് കുറിപ്പിന്റെ പൂര്‍ണ രൂപം:

തെരഞ്ഞെടുപ്പ് പ്രകടന പത്രിക സമര്‍പ്പണത്തോട് അനുബന്ധിച്ച് ഞാന്‍ നല്കിയ സത്യവാങ്മൂലത്തില്‍ നിന്നുള്ള കണക്കുകള്‍ എടുത്ത് തെറ്റായി വ്യാഖ്യാനിച്ച് സോഷ്യല്‍ മീഡിയയിലൂടെ പ്രചരിപ്പിക്കുന്നതു ശ്രദ്ധയില്‍പ്പെട്ടു.

ആക്ഷേപം ഒന്ന്ഃ 201415ല്‍ വാര്‍ഷിക വരുമാനമായി കാട്ടിയത് വെറും 3,42,230 രൂപ. അതായത് പ്രതിമാസ വരുമാനം 28,600 രൂപ.

ഉത്തരംഃ 2014 ഏപ്രില്‍ 1ന് ലഭിച്ച നികുതി വിധേയമായ ശമ്പളം 27410 രൂപയാണ്. അടിസ്ഥാന ശമ്പളം 1000 രൂപ, ഡിഎ 26,410 രൂപ, കണ്‍വേയന്‍സ് അലവന്‍സ് 10,500, മണ്ഡല അലവന്‍സ് 12,000 രൂപ. ഇതില്‍ അടിസ്ഥാനശമ്പളവും ഡിഎയുമാണ് നികുതി വിധേയം. ഒരു മുഖ്യമന്ത്രിയുടെ അന്നത്തെ ശമ്പളം ഇത്രയുമൊക്കെയേ ഉള്ളു എന്ന് അറിയുക.

ആക്ഷേപം രണ്ട് ഃ മുഖ്യമന്ത്രിയുടെ ശമ്പളം കൂടാതെ എംഎല്‍എ പെന്‍ഷനുണ്ടെങ്കിലും അതു രേഖപ്പെടുത്തിയില്ല.

ഉത്തരംഃ മുഖ്യമന്ത്രിയുടെ ശമ്പളം പറ്റുമ്പോള്‍ മറ്റൊരു പെന്‍ഷനും വാങ്ങാന്‍ പറ്റില്ല. എംഎല്‍എ ആയിരിക്കുമ്പോള്‍ എംഎല്‍എയുടെ നിലവിലുള്ള ശമ്പളമല്ലാതെ അതോടൊപ്പം പെന്‍ഷന്‍ വാങ്ങാന്‍ പറ്റില്ല.

ആക്ഷേപം മൂന്ന് ഃ 2015നുശേഷം വരുമാന നികുതി അടയ്ക്കുകയോ റിട്ടേണ്‍ സമര്‍പ്പിക്കുകയോ ചെയ്തിട്ടില്ല.

ഉത്തരംഃ 1.4.2020ല്‍ എംഎല്‍എ എന്ന നിലയില്‍ 2000 രൂപയാണ് മാസശമ്പളം. മണ്ഡല അലവന്‍സ് 25,000 രൂപ, ടെലിഫോണ്‍ അലവന്‍സ് 11000 രൂപ, ഇന്‍ഫര്‍മേഷന്‍ അലവന്‍സ് 4000 രൂപ, കംപ്യൂട്ടര്‍ അലവന്‍സ് 8000 രൂപ. അലവന്‍സുകള്‍ ആദായനികുത പരിധിയില്‍ വരില്ല. അതുകൊണ്ടാണ് ആദായ നികുതി അടയ്ക്കാത്തത്.
സത്യമേവ ജയതേ!

തിരുവനന്തപുരം: തിരുവനന്തപുരത്ത് കേന്ദ്രമന്ത്രി പ്രകാശ് ജാവദേക്കറാണ് പുതിയ കേരളം മോദിക്കൊപ്പം എന്ന മുദ്രാവാക്യവുമായി പ്രകടനപത്രിക പുറത്തിറക്കി.വികസോന്മുമുഖമായ ആശയങ്ങളാണ് എന്‍ഡിഎ കേരളത്തിനായി മുന്നോട്ടുവയ്ക്കുന്നതെന്ന് പ്രകാശ് ജാവദേക്കര്‍ പറഞ്ഞു. കേന്ദ്രസര്‍ക്കാരിന്റെ പദ്ധതികള്‍ പേരുമാറ്റി കേരളത്തില്‍ നടപ്പിലാക്കുകയാണ് അഞ്ച് വര്‍ഷം ഭരണത്തിലിരുന്ന പിണറായി സര്‍ക്കാര്‍ ചെയ്തതെന്നും അദ്ദേഹം ആരോപിച്ചു.

പ്രധാനമായും ശബരിമല ആചാര സംരക്ഷണത്തിനായി പ്രത്യേക നിയമമുണ്ടാക്കുമെന്ന് എന്‍. ഡി .എയുടെ തിരഞ്ഞെടുപ്പ് വാഗ്ദ്ധാനം. ലൗ ജിഹാദിനെതിരെ നിയമം കൊണ്ടുവരുമെന്നും ക്ഷേമ പെന്‍ഷന്‍ 3500 രൂപയാക്കുമെന്നും തിരഞ്ഞെടുപ്പ് പ്രകടന പത്രികയില്‍ വ്യക്തമാക്കുന്നുണ്ട്.

ബി .പി .എല്‍ കുടുംബങ്ങള്‍ക്ക് വര്‍ഷത്തില്‍ ആറ് ഗ്യാസ് സിലിണ്ടറുകള്‍ സൗജന്യമായി നല്‍കും, ഹൈസ്‌കൂള്‍ വിദ്യാര്‍ത്ഥികള്‍ക്ക് സൗജന്യ ലാപ്‌ടോപ്പ്, കുടുംബത്തില്‍ ഒരാള്‍ക്കെങ്കിലും ജോലിനല്‍കും. കുടുംബത്തിന്റെ വരുമാനമാര്‍ഗമായ വ്യക്തികള്‍ അസുഖബാധിതരായാല്‍ ആ കുടുംബത്തിന് പ്രതിമാസം 5000 രൂപ നല്‍കും. ഭൂരഹിതരായ പട്ടികജാതി പട്ടിക വര്‍ഗ കുടുംബങ്ങള്‍ക്ക് ഭൂമി നല്‍കും എന്നിവയാണ് പ്രകടന പത്രിക മുന്നോട്ടുവയ്ക്കുന്ന മറ്റ് പ്രധാന വാഗ്ദ്ധാനങ്ങള്‍.