0 Comments

 

‘ഇന്ത്യന്‍ മോട്ടോര്‍സൈക്കി’ളിന്റെ ഏറ്റവും പുതിയ ക്രൂസറാണ് ‘ചാലഞ്ചര്‍’. 2019 നവംബറില്‍ നടന്ന ഐക്മയിലാണ്ഇന്ത്യന്‍ ചാലഞ്ചര്‍ അവതരിപ്പിച്ചത്. എന്നാൽ ഇപ്പോള്‍ ഈ മോട്ടോര്‍സൈക്കിളിന്റെ ബുക്കിംഗ് ഇന്ത്യയില്‍ ആരംഭിച്ചിരിക്കുകയാണ്.

സ്റ്റാന്‍ഡേഡ്, ഡാര്‍ക്ക് ഹോഴ്‌സ്, ലിമിറ്റഡ് എന്നീ മൂന്ന് വേരിയന്റുകളില്‍ മോട്ടോര്‍സൈക്കിള്‍ ലഭിക്കും. പുതിയ പവര്‍പ്ലസ് എന്‍ജിനാണ് ഇന്ത്യന്‍ ചാലഞ്ചറിന്റെ പ്രധാന സവിശേഷത. ഈ എന്‍ജിന്‍ മോട്ടോര്‍സൈക്കിളിന്റെ പെര്‍ഫോമന്‍സ് വര്‍ധിപ്പിക്കും.

പുതിയ 1,769 സിസി, ലിക്വിഡ് കൂള്‍ഡ്, 60 ഡിഗ്രി വി-ട്വിന്‍ എന്‍ജിന്‍ 5,500 ആര്‍പിഎമ്മില്‍ 121 ബിഎച്ച്പി കരുത്തും 3,800 ആര്‍പിഎമ്മില്‍ 173.5 എന്‍എം ടോര്‍ക്കും സൃഷ്‍ടിക്കും.

ട്രൂ ഓവര്‍ഡ്രൈവ് സഹിതം പുതിയ 6 സ്പീഡ് ഗിയര്‍ബോക്‌സാണ് ട്രാന്‍സ്‍മിഷന്‍. റെയ്ന്‍, സ്റ്റാന്‍ഡേഡ്, സ്‌പോര്‍ട്ട് എന്നീ മൂന്ന് റൈഡിംഗ് മോഡുകള്‍ നല്‍കിയിരിക്കുന്നു. ബോഷ് ഇനേര്‍ഷ്യല്‍ മെഷര്‍മെന്റ് യൂണിറ്റ് (ഐഎംയു) വഴി ‘സ്മാര്‍ട്ട് ലീന്‍ ടെക്‌നോളജി’, എബിഎസ്, കോര്‍ണറിംഗ് എബിഎസ്, ഡ്രാഗ് ടോര്‍ക്ക് കണ്‍ട്രോള്‍ എന്നിവ ലിമിറ്റഡ്, ഡാര്‍ക്ക് ഹോഴ്‌സ് വേരിയന്റുകളുടെ സവിശേഷതകളാണ്.

ടച്ച്‌സ്‌ക്രീന്‍ ഇന്‍ഫൊടെയ്ന്‍മെന്റ് സ്‌ക്രീന്‍, റൈഡ് കമാന്‍ഡ് സിസ്റ്റം എന്നിവ ഡാര്‍ക്ക് ഹോഴ്‌സ്, ലിമിറ്റഡ് വേരിയന്റുകളിലെ ഫീച്ചറുകളാണ്. കാലാവസ്ഥ, ട്രാഫിക് വിവരങ്ങള്‍ ലഭ്യമായിരിക്കും. ബ്ലൂടൂത്ത്, യുഎസ്ബി വഴി സ്മാര്‍ട്ട്‌ഫോണ്‍ കണക്റ്റ് ചെയ്യാം. നിരവധി ഫാക്റ്ററി ആക്‌സസറികളും വാഗ്ദാനം ചെയ്യുന്നു.

Leave a Reply

Your email address will not be published. Required fields are marked *

error: Content is protected !!