Category: National

ന്യൂ​​​ഡ​​​ൽ​​​ഹി: ഡ​​​ൽ​​​ഹി രോ​​​ഹി​​​ണി കോ​​​ട​​​തി​​​യി​​​ൽ ഗു​​​ണ്ടാ​​​ത്ത​​​ല​​​വ​​​ൻ ജി​​​തേ​​​ന്ദ​​​ർ മ​​​ൻ എ​​​ന്ന ഗോ​​​ഗി​​​യെ വെ​​​ടി​​​വ​​ച്ചു കൊ​​​ന്ന സം​​​ഭ​​​വ​​​ത്തി​​​ൽ ര​​​ണ്ടു പേ​​​ർ പി​​​ടി​​​യി​​​ൽ. രാഹുൽ ത്യാഗി, ജഗ്ദീപ് ജഗ്ഗ എന്നീ അക്രമികളെ സഹായിച്ച ഉമങ് യാദവ്, വിനയ് മോട്ട എന്നിവരെ ഡൽഹി പൊലീസിന്റെ പ്രത്യേകം സംഘം പിടികൂടി. സംഘം കോടതിയിലെത്തിയ കാറും പൊലീസ് കണ്ടെത്തി.

തി​​​ല്ലു ഗ്യാം​​​ഗി​​​ന്‍റെ ത​​​ല​​​വ​​​നാ​​​യ തി​​​ല്ലു മ​​​ൻ​​​ഡോ​​​ളി ജ​​​യി​​​ലി​​​നു​​​ള്ളി​​​ൽനി​​​ന്നാ​​​ണ് ഗോ​​​ഗി​​​യു​​​ടെ കൊ​​​ല​​​പാ​​​ത​​​കം ആ​​​സൂ​​​ത്ര​​​ണം ചെ​​​യ്ത​​​ത്. കൊ​​​ല​​​പാ​​​ത​​​ക​​​ത്തി​​​നു മു​​​മ്പാ​​​യി ത​​​ലേ​​​ദി​​​വ​​​സം ത​​​ന്‍റെ വീ​​​ട്ടി​​​ൽ പാ​​​ർ​​​ട്ടി ന​​​ട​​​ത്തി​​​യി​​​രു​​​ന്ന​​​താ​​​യി ഉ​​​മാം​​​ഗ് പോ​​​ലീ​​​സി​​​നോ​​​ടു പ​​​റ​​​ഞ്ഞു. വി​​​ന​​​യ് ആ​​​ണ് കോ​​​ട​​​തി​​​മു​​​റി​​​ക്കു​​​ള്ളി​​​ൽ ക​​​ട​​​ക്കാ​​​ൻ സ​​​ഹാ​​​യ​​​ക​​​ര​​​മാ​​​യ ത​​​ര​​​ത്തി​​​ൽ കൊ​​​ല​​​പാ​​​ത​​​കി​​​ക​​​ൾ​​​ക്ക് അ​​​ഭി​​​ഭാ​​​ഷ​​​ക​​​രു​​​ടെ വേ​​​ഷം ഉ​​​ൾ​​​പ്പെടെ വാ​​​ങ്ങാ​​​ൻ ഒ​​​പ്പം പോ​​​യ​​​ത്. കൃ​​​ത്യം ന​​​ട​​​ന്ന ദി​​​വ​​​സം ഉ​​​ച്ച​​​യോ​​​ടെ തി​​​ല്ലു ഗ്യാം​​​ഗി​​​ലെ ര​​​ണ്ട് ഷാ​​​ർ​​​പ് ഷൂ​​​ട്ട​​​ർ​​​മാ​​​രെ​​​യും ഇ​​​വ​​​ർ ഒ​​​രു ഹ്യു​​​ണ്ടാ​​​യ് കാ​​​റി​​​ൽ കോ​​​ട​​​തി​​​യി​​​ൽ എ​​​ത്തി​​​ക്കു​​​ക​​​യാ​​​യി​​​രു​​​ന്നു.

വെള്ളിയാഴ്ച ഉച്ചയ്ക്കു കോടതിമുറിയിലെ വെടിവയ്പിൽ ഗുണ്ടാനേതാവ് ജിതേന്ദർ ഗോഗിയും രാഹുലും ജഗ്ദീപും കൊല്ലപ്പെട്ടിരുന്നു. സിസിടിവി ദൃശ്യങ്ങൾ പരിശോധിച്ചാണു ഉമങ്, വിനയ് എന്നിവരിലേക്കു പൊലീസെത്തിയത്. ഹൈദർപുരിലെ ഉമങ്ങിന്റെ ഫ്ലാറ്റിൽ നിന്നാണു ശനിയാഴ്ച രാത്രി ഇവരെ പൊലീസ് പിടികൂടിയത്.

ന്യൂ​ഡ​ൽ​ഹി: അ​മേ​രി​ക്ക​ൻ സ​ന്ദ​ർ​ശ​നം പൂ​ർ​ത്തി​യാ​ക്കി പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ന്ത്യ​യി​ൽ മ​ട​ങ്ങി​യെ​ത്തി. ഡ​ൽ​ഹിയിലെ പാലം വിമാനത്താവളത്തിലെ (palam airport) ഔദ്യോഗിക വിമാനമായ എയർ ഇന്ത്യ വണ്ണിൽ (Air India One) വന്നിറങ്ങിയ മോദിക്ക് വൻ സ്വീകരണമാണ് ബിജെപി നേതാക്കളും പ്രവർത്തകരും ചേർന്ന് നൽകിയത്. ബിജെപി ദേശീയ അധ്യക്ഷൻ ജെപി നഡ്ഡ (JP Nadda) മോദിയെ സ്വീകരിക്കാൻ നേരിട്ട് വിമാനത്താവളത്തിലെത്തി. വിമാനത്താവളത്തിന് പുറത്ത് നൂറുകണക്കിന് ബിജെപി പ്രവർത്തകരാണ് മോദിയെ സ്വാഗതം ചെയ്യാനെത്തിയത്.

മോദിയുടെ നേതൃത്വത്തിന് കീഴിൽ ഇന്ത്യയെ ലോകം കാണുന്നത് മറ്റൊരു തരത്തിലാണെന്ന് പാലം വിമാനത്താവളത്തിന് സമീപം സംഘടിപ്പിച്ച സ്വീകരണ പരിപാടിയിൽ ബിജെപി ദേശീയ അധ്യക്ഷൻ ജെപി നഡ്ഡ പറഞ്ഞു. തീവ്രവാദവും കാലാവസ്ഥാ വ്യതിയാനവും അടക്കമുള്ള വിഷയങ്ങളിൽ എല്ലാവരേയും സഹകരിപ്പിച്ച് കൊണ്ടു പോകാനും ഇന്ത്യയെ പ്രധാനകക്ഷിയാക്കി നിർത്താനും പ്രധാനമന്ത്രിക്ക് സാധിച്ചെന്ന് നഡ്ഡ പറഞ്ഞു.

അമേരിക്കൻ പ്രസിഡൻറ് ജോ ബൈഡനും പ്രധാനമന്ത്രി മോദിയുടെ തമ്മിലുള്ള സുഹൃത്ത് ബന്ധം ഒരു പുതിയ കാര്യമല്ല. വളരെ കാലം മുൻപ് അവർ ഇരുവരും പരസ്പരമറിയും. രാഷ്ട്രത്തലവൻമാരായ ശേഷവും ആ അടുപ്പവും സ്നേഹവും ഇരുവരും പങ്കിടുന്നുണ്ടെന്നും ജെപി നഡ്ഡ  പറഞ്ഞു.

ന്യൂ​ഡ​ൽ​ഹി: ഡ​ല്‍​ഹി രോ​ഹി​ണി​യി​ലെ കോ​ട​തി​യി​ലു​ണ്ടാ​യ വെ​ടി​വ​യ്പ്പി​ല്‍ ക​ടു​ത്ത ആ​ശ​ങ്ക രേ​ഖ​പ്പെ​ടു​ത്തി സു​പ്രീം​കോ​ട​തി ചീ​ഫ് ജ​സ്റ്റീ​സ് എ​ന്‍.​വി. ര​മ​ണ. ഡ​ല്‍​ഹി ഹൈക്കോടതി ചീഫ് ജസ്റ്റിസ് ഡി എൻ പട്ടേലുമായി അദ്ദേഹം സംസാരിച്ചു. കോടതിയുടെ നടപടികളെ ബാധിക്കാതിരിക്കാൻ പൊലീസിനോടും ബാർ അസോസിയേഷനോടും ചർച്ച നടത്തണമെന്നും  ഹൈക്കോടതി ചീഫ് ജസ്റ്റിസിനോട് അദ്ദേഹം നിർദേശിച്ചു.

അ​ഭി​ഭാ​ഷ​ക​രു​ടെ വ​സ്ത്രം ധ​രി​ച്ചെ​ത്തി​യ ഗു​ണ്ട​ക​ളാ​ണ് കോ​ട​തി​യി​ല്‍ വെ​ടി​വ​യ്പ്പ് ന​ട​ത്തി​യ​ത്. വെ​ടി​വ​യ്പ്പി​ൽ ഗു​ണ്ടാ​ത്ത​ല​വ​ൻ ഉ​ൾ​പ്പ​ടെ മൂ​ന്ന് പേ​ർ കൊ​ല്ല​പ്പെ​ട്ടു. അ​ക്ര​മി​ക​ളാ​യ ര​ണ്ടു​പേ​രെ പോ​ലീ​സ് വെ​ടി​വ​ച്ചു കൊ​ല​പ്പെ​ടു​ത്തി.   ഗുണ്ട നേതാവ് ജിതേന്ദർ ഗോഗിയെ കോടതിയിൽ ഹാജരാക്കുമ്പോൾ ആയിരുന്നു സംഭവം. ഗോഗിയെ അക്രമികൾ വെടിവെച്ചു കൊലപ്പെടുത്തിയപ്പോൾ ആക്രമണം നടത്തിയവരെ പൊലീസ് വധിക്കുകയായിരുന്നു.

ഗു​ണ്ടാ​സം​ഘ​ങ്ങ​ൾ ത​മ്മി​ലു​ള്ള കു​ടി​പ്പ​ക​യാ​ണ് സം​ഭ​വ​ത്തി​ന് കാ​ര​ണം. ഗു​ണ്ടാ​ത്ത​ല​വ​ൻ ജി​തേ​ന്ദ​ർ ഗോ​ഗി​യാ​ണ് കൊ​ല്ല​പ്പെ​ട്ട​വ​രി​ൽ ഒ​രാ​ൾ.  ഗോഗി – ടില്ലു എന്നീ 2 ഗുണ്ട തലവൻമാർ തമ്മിലുള്ള കുടിപ്പകയാണ് കോടതി മുറിയിലെ വെടിവെപ്പിൽ കലാശിച്ചത്.  കസ്റ്റഡിയിലായിരുന്ന ജിതേന്ദർ ഗോഗിയെ പൊലീസ് ഉച്ചയോടെ രോഹിണി  കോടതിയിൽ ഹാജരാക്കി. ഈ സമയം 207 ആം നമ്പർ കോടതി മുറിയിൽ  എത്തിയ ടില്ലുവിന്റെ അനുയായികൾ ഗോഗിക്ക് നേരെ വെടിയുതിർക്കുകയായിരുന്നു.

തിരിച്ചടിച്ച പൊലീസ് രണ്ട് അക്രമികളെയും വധിച്ചു. സുരക്ഷാ ക്രമീകരണങ്ങൾ മറി കടന്ന്  അഭിഭാഷക വേഷത്തിലാണ്  തോക്കുമായി ഗുണ്ടകളായ രാഹുലും മോറിസും  കോടതി മുറിക്കുള്ളിൽ കയറിയത്. വെടിവെപ്പ് നടത്തിയ 2 പ്രതികളും സംഭവസ്ഥലത്ത് വച്ച് തന്നെ മരിച്ചു.  ആശുപത്രിയിലെത്തിക്കാൻ ശ്രമിച്ചെങ്കിലും ഗോഗിയേയും രക്ഷിക്കാനായില്ല. ആറ് തവണ  ഗോഗിക്ക് വെടിയേറ്റിരുന്നുവെന്ന് പൊലീസ് പറഞ്ഞു.

മുംബൈ ∙ ഡോംബിവ്‍ലിയിൽ 15 വയസ്സുള്ള പെൺകുട്ടി കൂട്ടപീഡനത്തിനിരയായ സംഭവത്തിൽ പ്രതികളായ ഏഴു പേർക്കായി തിരച്ചിൽ തുടരുന്നു. ആകെ 33 പേർക്കെതിരെയാണു കേസ്. 28 പേരെ പൊലീസ് അറസ്റ്റ് ചെയ്തിരുന്നു. പ്രായപൂർത്തിയാകാത്ത 2 പേരെ കസ്റ്റഡിയിലെടുത്തു.

താനെ പൊലീസിലെ പ്രത്യേക അന്വേഷണ സംഘമാണ് അറസ്റ്റ് നടത്തിയത്. എട്ടുമാസത്തിനിടെ നിരവധി തവണയാണ് 15കാരി കൂട്ടബലാത്സംഗത്തിനിരയായത്. 33 പേരെക്കുറിച്ചുള്ള വിവരങ്ങള്‍ ഇര പൊലീസിന് കൈമാറിയിട്ടുണ്ട്.

ജനുവരിയില്‍ ആദ്യം കാമുകനാണ് കുട്ടിയെ പീഡിപ്പിച്ചത്. പിന്നീട് പീഡന ദൃശ്യങ്ങള്‍ കാണിച്ച് ഭീഷണിപ്പെടുത്തി കാമുകന്റെ സുഹൃത്തുക്കളും പീഡിപ്പിച്ചു. 9 മാസത്തിനിടെ കൗമാരക്കാരി നിരവധി തവണ പീഡനത്തിനിരയായി. ഇന്നലെയും പീഡിപ്പിക്കപ്പെട്ടെന്ന് ഒടുവില്‍ പൊലീസിന് മുന്നിലെത്തിയ കുട്ടി മൊഴി നല്‍കി.  അവശയായ പെണ്‍കുട്ടി ഇപ്പോള്‍ ആശുപത്രിയില്‍ ചികിത്സയിലാണ്. ഡോംബിവലി, ബദ്‌ലാപൂര്‍, മുര്‍ബാദ് തുടങ്ങിയ സ്ഥലങ്ങളില്‍ വച്ചായിരുന്നു പീഡനം.

ന്യൂ​ഡ​ൽ​ഹി: കോ​വി​ഡ് ബാ​ധി​ച്ചു മ​രി​ച്ച​വ​രു​ടെ കു​ടും​ബ​ങ്ങ​ൾ​ക്കു സം​സ്ഥാ​ന ദു​ര​ന്ത​നി​വാ​ര​ണ ഫ​ണ്ടി​ൽനി​ന്ന് 50,000 രൂ​പ ന​ഷ്ട​പ​രി​ഹാ​രം ന​ൽ​കു​മെ​ന്ന് കേ​ന്ദ്രസ​ർ​ക്കാ​ർ സു​പ്രീം​കോ​ട​തി​യി​ൽ ന​ൽ​കി​യ സ​ത്യ​വാങ്‌​മൂ​ല​ത്തി​ൽ വ്യ​ക്ത​മാ​ക്കി. 4 ലക്ഷം രൂപ വീതം നഷ്്ടപരിഹാരം നൽകണമെന്നാവശ്യപ്പെട്ടുള്ള ഹർജിയിലാണ് ഇക്കാര്യം അറിയിച്ചു സർക്കാർ സത്യവാങ്മൂലം നൽകിയത്.

ഭാവിയിൽ ഉണ്ടാകുന്ന കോവിഡ് മരണങ്ങൾക്കും ഇനിയൊരു വിജ്ഞാപനം ഉണ്ടാകുന്നതുവരെ വരെ ഈ തുക ബാധകമാണ്. ജില്ലാ ദുരന്തനിവാരണ അതോറിറ്റികൾ വഴിയോ ജില്ലാ ഭരണകൂടങ്ങൾ വഴിയോ ആധാർ ബന്ധിത ബാങ്ക് അക്കൗണ്ടിലേക്കു തുക കൈമാറും. കോവിഡ് സ്ഥിരീകരിച്ചു 30 ദിവസത്തിനകം മരിച്ചാൽ കോവിഡ് മരണമായി കണക്കാക്കുമെന്നു കേന്ദ്രസർക്കാർ നേരത്തേ സുപ്രീം കോടതിയെ അറിയിച്ചിരുന്നു.

ജി​ല്ലാ ദു​ര​ന്തനി​വാ​ര​ണ അ​ഥോ​റി​റ്റി​ക​ൾ വ​ഴി​യോ ജി​ല്ലാ ഭ​ര​ണ​കൂ​ട​ങ്ങ​ൾ വ​ഴി​യോ ന​ഷ്ട​പ​രി​ഹാ​രം അ​ർ​ഹ​രാ​യ​വ​ർ​ക്ക് ന​ൽ​കു​മെ​ന്നും കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യം സ​ത്യ​വാങ്മൂ​ല​ത്തി​ൽ പ​റ​ഞ്ഞു. കോ​വി​ഡ് വ്യാ​പ​ന​ത്തി​ന്‍റെ തു​ട​ർ​ഘ​ട്ട​ങ്ങ​ളി​ലും മ​രി​ക്കു​ന്ന​വ​രു​ടെ ഉ​റ്റ​വ​ർ​ക്ക് ന​ഷ്ട​പ​രി​ഹാ​രം ന​ൽ​കു​മെ​ന്നും അ​ത​ല്ലെ​ങ്കി​ൽ ഇ​നി​യൊ​രു വി​ജ്ഞാ​പ​നം ഉ​ണ്ടാ​കു​ന്ന​തു വ​രെ അ​തു തു​ട​രു​മെ​ന്നും കേ​ന്ദ്രം വ്യ​ക്ത​മാ​ക്കി.

ന്യൂ​ഡ​ൽ​ഹി: ഇ​ന്ത്യ​യി​ലെ കോ​വി​ഷീ​ൽ​ഡ് വാ​ക്സീ​ൻ യു​കെ അം​ഗീ​ക​രി​ക്ക​ണ​മെ​ന്ന് കേ​ന്ദ്ര​സ​ർ​ക്കാ​ർ. ഇ​ല്ലെ​ങ്കി​ൽ ഇ​ന്ത്യ​യി​ലെ​ത്തു​ന്ന യു​കെ പൗ​ര​ന്മാ​ർ​ക്കും ക്വാ​റ​ന്‍റൈ​ൻ ഏ​ർ​പ്പെ​ടു​ത്തു​മെ​ന്ന് കേ​ന്ദ്ര​സ​ർ​ക്കാ​ർ അ​റി​യി​ച്ചു.

നി​ല​വി​ൽ ഇ​ന്ത്യ​യി​ൽ കോ​വി​ഷീ​ൽ​ഡ് വാ​ക്സി​ൻ എ​ടു​ത്ത​വ​ർ യു​കെ​യി​ൽ എ​ത്തു​മ്പോ​ൾ ക്വാ​റ​ന്‍റൈ​നി​ൽ ക​ഴി​യ​ണ​മെ​ന്നാ​ണ് യു​കെ സ​ർ​ക്കാ​ർ തീ​രു​മാ​നം. ഇ​ത് പി​ൻ​വ​ലി​ച്ചി​ല്ലെ​ങ്കി​ൽ ഇ​ന്ത്യ​യി​ലെ​ത്തു​ന്ന യു​കെ പൗ​ര​ന്മാ​രും ക്വാ​റ​ന്‍റൈ​നി​ൽ ക​ഴി​യേ​ണ്ടി വ​രു​മെ​ന്നാ​ണ് കേ​ന്ദ്ര​സ​ർ​ക്കാ​ർ മു​ന്ന​റി​യി​പ്പ് ന​ൽ​കി​യി​രി​ക്കു​ന്ന​ത്. ഒക്ടോബർ ഒന്ന് വരെ കാത്തിരിക്കാൻ ആണ് രാഷ്ട്രീയ‌ തീരുമാനം.

സംസ്ഥാനങ്ങള്‍ക്കും കേന്ദ്ര ഭരണ പ്രദേശങ്ങള്‍ക്കുമായി ഇതുരെ 80.13 കോടിയിലധികം കോവിഡ് വാക്‌സിന്‍ ഡോസുകള്‍ വിതരണം ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. സംസ്ഥാനങ്ങളുടെയും കേന്ദ്ര ഭരണ പ്രദേശങ്ങളുടെയും പക്കല്‍ ബാക്കിയുള്ള 4.52 കോടി വാക്‌സിന്‍ ഡോസുകള്‍ക്ക് പുറമെയാണിത്.

രാജ്യത്തെ വാക്‌സിന്‍ നിര്‍മാതാക്കള്‍ ഉല്‍പാദിപ്പിക്കുന്ന വാക്‌സിനുകളുടെ 75 ശതമാനും കേന്ദ്ര സര്‍ക്കാര്‍ സംഭരിച്ച് സൗജന്യമായി സംസ്ഥാനങ്ങള്‍ക്കും കേന്ദ്ര ഭരണ പ്രദേശങ്ങള്‍ക്കും വിതരണം ചെയ്യുമെന്നും മന്ത്രാലയം വ്യക്തമാക്കി.

ന്യൂഡല്‍ഹി: പ്രമുഖ ആത്മീയ സംഘടനയായ അഖില ഭാരതീയ അഖാഡ പരിഷത് തലവന്‍ നരേന്ദ്ര ഗിരിയെ ആത്മഹത്യ ചെയ്ത നിലയില്‍ കണ്ടെത്തി. ഉത്തര്‍പ്രദേശിലെ പ്രയാഗ് രാജില്‍ വൈകിട്ടോടെയാണ് ഇദ്ദേഹത്തെ ആത്മഹത്യ ചെയ്ത നിലയില്‍ കണ്ടെത്തിയത്. നരേന്ദ്ര ഗിരിയുടെ മരണത്തിൽ മണിക്കൂറുകൾക്കകം പ്രതികൾ അറസ്റ്റിൽ. പ്രതികളുടെ അറസ്റ്റ്​ രേഖപ്പെടുത്തിയതായി യു.പി ഉപമുഖ്യമന്ത്രി കേശവ്​ പ്രസാദ്​ മൗര്യ അറിയിച്ചു.

മഹന്ത് നരേന്ദ്ര ഗിരിയുടെ അടുത്ത അനുയായിയായ ആനന്ദ്​ ഗിരിയാണ്​ അറസ്റ്റിലായ ഒരാൾ. തിങ്കളാഴ്ച രാ​ത്രി തന്നെ ഹരിദ്വാറിൽനിന്ന്​ ഇയാളെ പൊലീസ്​ കസ്റ്റഡിയിലെടുത്തിരുന്നു. ആത്മഹത്യകുറിപ്പിന്‍റെ അടിസ്​ഥാനത്തിലായിരുന്നു അന്വേഷണം. ആനന്ദ്​ ഗിരിക്ക്​ പു​റമെ ആധ്യായ്​ ഗിരി, മകൻ സന്ദീപ്​ എന്നിവരാണ്​ അറസ്റ്റിലായ മറ്റു രണ്ടുപേരെന്നാണ്​ വിവരം.

ഉ​ത്ത​ര്‍​പ്ര​ദേ​ശി​ലെ പ്ര​യാ​ഗ്‌​രാ​ജി​ലെ മ​ഠ​ത്തി​നു​ള്ളി​ൽ ജീ​വ​നൊ​ടു​ക്കി​യ നി​ല​യി​ലാ​ണ് മ​ഹ​ന്ത് ന​രേ​ന്ദ്ര​ഗി​രി​യെ ക​ണ്ടെ​ത്തി​യ​ത്. അ​ട​ച്ചി​ട്ട മു​റി​യി​ല്‍ നൈ​ലോ​ണ്‍ ക​യ​റി​ല്‍ തൂ​ങ്ങി​യ നി​ല​യി​ലാ​യി​രു​ന്നു മൃ​ത​ദേ​ഹം. മു​റി​യി​ല്‍ നി​ന്നും ക​ണ്ടെ​ത്തിയ ആ​ത്മ​ഹ​ത്യാ​കു​റി​പ്പി​ൽ ആ​ന​ന്ദ് ഗി​രി​യു​ടെ​യും മ​റ്റ് ര​ണ്ടു​പേ​രു​ടെ​യും പേ​രു​ക​ളു​ണ്ട്.

പഞ്ചാബിൻ്റെ പതിനാറാമത് മുഖ്യമന്ത്രിയായി ചരൺജിത് സിംഗ് ചന്നി ചുമതലയേറ്റു. ഗവർണ്ണർ ബൻവാരിലാൽ പുരോഹിത് സത്യവാചകം ചൊല്ലിക്കൊടുത്തു. എസ്.എസ്. രൺധാവയും ബ്രം മൊഹീന്ദ്രയും ഉപമുഖ്യമന്ത്രിമാരായി സത്യപ്രതിജ്ഞ ചെയ്തു. സത്യപ്രതിജ്ഞാ ചടങ്ങിൽ കോൺഗ്രസ് നേതാവ് രാഹുൽ ഗാന്ധി പങ്കെടുത്തപ്പോൾ പഞ്ചാബ് മുൻ മുഖ്യമന്ത്രി അമരിന്ദർ സിങ് വിട്ടുനിന്നു.

ഗവർണർ ബൻവാരിലാൽ പുരോഹിതിന്റെ വസതിയിൽ എത്തിയാണ് മുഖ്യമന്ത്രിയും ഉപമുഖ്യമന്ത്രിമാരും സത്യപ്രതിജ്ഞ ചെയ്തത്.  സംസ്ഥാനത്തിന്റെ ചുമതലയുള്ള എഐസിസി ജനറൽ സെക്രട്ടറി ഹരീഷ് റാവത്തും പഞ്ചാബ് പിസിസി അധ്യക്ഷൻ നവജ്യോത് സിങ് സിദ്ദുവും ചടങ്ങിൽ പങ്കെടുത്തു.

മുഖ്യമന്ത്രി പ്രഖ്യാപനത്തില്‍ നാടകീയ വഴിത്തിരിവാണ് പഞ്ചാബിലുണ്ടായത്. പിന്തുണയും ഹൈക്കമാന്‍ഡ് താല്‍പര്യവും മുന്‍മന്ത്രി സുഖ് ജിന്തര്‍ സിംഗിന് അനുകൂലമായിരുന്നെങ്കിലും പ്രഖ്യാപനത്തിന് തൊട്ടുമുന്‍പുള്ള സിദ്ദുവിന്‍റെ ഇടപെടലാണ് കാര്യങ്ങള്‍ മാറ്റി മറിച്ചത്. ദളിത് സിഖ് വിഭാഗത്തില്‍  നിന്നുള്ള ചരണ്‍ ജിത്ത് സിംഗ് ചന്നി മുഖ്യമന്ത്രിയായാൽ ‍ 35 ശതമാനത്തോളം വരുന്ന ദളിത് വോട്ടുകള്‍ അനുകൂലമാകുമെന്ന് സിദ്ദു വാദിച്ചു. തുടര്‍ന്ന്  തീരുമാനം ഹൈക്കമാന്‍ഡ് മാറ്റുകയായിരുന്നു.

രാജിവച്ച അമരിന്ദർ സിങ്ങിന്റെ മന്ത്രിസഭയിൽ സാങ്കേതിക വിദ്യാഭ്യാസ മന്ത്രിയായിരുന്ന ഛന്നി, ദലിത് സിഖ് വിഭാഗത്തിൽനിന്നുള്ള ആദ്യ മുഖ്യമന്ത്രിയാണ്. അമരിന്ദറിനെ നീക്കണമെന്നു പരസ്യമായി ആവശ്യപ്പെട്ടു രംഗത്തുവന്ന മന്ത്രിസംഘത്തിലെ പ്രമുഖനാണ്.

ന്യൂ​ഡ​ൽ​ഹി: രാ​ജ്യ​ത്ത് ക​ഴി​ഞ്ഞ 24 മ​ണി​ക്കൂ​റി​ൽ 30,773 പേ​ർ​ക്ക് കോ​വി​ഡ് സ്ഥി​രീ​ക​രി​ച്ചു. നിലവില്‍ 3,32,158 (3.32 ലക്ഷം) പേരാണ് ചികിത്സയിലുള്ളത്. മൊത്തം രോഗികളുടെ എണ്ണം 3,34,48,163 (3.34 കോടി). 24 മണിക്കൂറിനുള്ളില്‍ 309 കോവിഡ് മരണങ്ങള്‍ കൂടി റിപ്പോര്‍ട്ട് ചെയ്തു.

ക​ഴി​ഞ്ഞ ദി​വ​സ​ത്തേ​ക്കാ​ൾ രോ​ഗ​ബാ​ധ​യി​ൽ 13.7 ശ​ത​മാ​നം കു​റ​വു​ണ്ടാ​യി​ട്ടു​ണ്ട്. 38,945 പേ​രാ​ണ് 24 മ​ണി​ക്കൂ​റി​നി​ടെ രോ​ഗ​ത്തി​ൽ നി​ന്നും മു​ക്തി നേ​ടി​യ​ത്. 3,26,71,167 പേ​ർ രോ​ഗ​മു​ക്തി നേ​ടി.  . ഇ​തി​ൽ ഏ​റ്റ​വും കൂ​ടു​ത​ൽ പേ​ർ ചി​കി​ത്സ​യി​ലു​ള്ള​ത് കേ​ര​ള​ത്തി​ലാ​ണ്.

രാജ്യത്ത് 30,773 പുതിയ കേസുകളില്‍ 19,325 എണ്ണം കേരളത്തിലാണ്. സംസ്ഥാനത്ത് 143 കോവിഡ് മരണവും സ്ഥിരീകരിച്ചിരുന്നു. രാജ്യത്ത് മൊത്തം വാക്‌സിനേഷന്‍ 80 കോടി പിന്നിട്ടതായും കേന്ദ്ര ആരോഗ്യ മന്ത്രാലയം പുറത്തുവിട്ട ഔദ്യോഗിക കണക്കുകള്‍ വ്യക്തമാക്കുന്നു. ഇന്നലെ 85,42,732 പേര്‍ക്കാണ് രാജ്യത്ത് വാക്‌സിന്‍ കുത്തിവെപ്പെടുത്തത്.

ന്യൂഡൽഹി: രാജ്യത്ത് 24 മണിക്കൂറിനിടെ 35,662 പേർക്ക്കൂടി കോവിഡ് ബാധിച്ചു. 33,798 േപർ രോഗമുക്തരാകുകയും ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. രാ​ജ്യ​ത്ത് കോ​വി​ഡ് ബാ​ധി​ത​രു​ടെ എ​ണ്ണം വെ​ള്ളി​യാ​ഴ്ച​ത്തെ​ക്കാ​ൾ 3.65 ശ​ത​മാ​നം കൂ​ടി​യെ​ന്ന് കേ​ന്ദ്ര സ​ർ​ക്കാ​രി​ന്‍റെ ക​ണ​ക്ക്.  പ്ര​ധാ​ന​മ​ന്ത്രി​യു​ടെ ജന്മദി​ന​ത്തി​ൽ റി​ക്കോ​ർ​ഡ് വാ​ക്സി​നേ​ഷ​ൻ ന​ൽ​കി രാ​ജ്യം കോ​വി​ഡ് പോ​രാ​ട്ട​ത്തി​ൽ മു​ന്നേ​റി​യ​തി​ന് പി​ന്നാ​ലെ​യാ​ണ് രോ​ഗി​ക​ളു​ടെ എ​ണ്ണം കൂ​ടി​യ​ത്.

നി​ല​വി​ൽ രാ​ജ്യ​ത്ത് 3.40 ല​ക്ഷം ആ​ളു​ക​ൾ കോ​വി​ഡ് ബാ​ധി​ച്ച് ചി​കി​ത്സ​യി​ലു​ണ്ട്. ഇ​തി​ൽ ഏ​റ്റ​വും കൂ​ടു​ത​ൽ പേ​ർ ചി​കി​ത്സ​യി​ലു​ള്ള​ത് കേ​ര​ള​ത്തി​ലാ​ണ്. 33,798 പേ​രാ​ണ് 24 മ​ണി​ക്കൂ​റി​നി​ടെ രോ​ഗ​ത്തി​ൽ നി​ന്നും മു​ക്തി നേ​ടി​യ​ത്. 281 മ​ര​ണ​ങ്ങ​ളും റി​പ്പോ​ർ​ട്ട് ചെ​യ്തി​ട്ടു​ണ്ട്.

കോവിഡ് പ്രതിരോധ വാക്സിൻ വിതരണത്തിൽ ഇന്ത്യ ലോക റെക്കോഡിട്ടു. 2.5 കോടി വാക്സിൻ ഡോസുകളാണ് ഇന്ത്യ ഇന്നലെ വിതരണം ചെയ്തത്. ചൈന ഒരു ദിവസം 2.47 കോടി വാക്സിൻ വിതരണം ചെയ്തതായിരുന്നു ഇതുവരെയുള്ള റെക്കോഡ്. 26.9 ലക്ഷം വാക്സിൻ ഡോസുകൾ വിതരണം ചെയ്ത കർണാടകയാണ് സംസ്ഥാനങ്ങളിൽ മുന്നിൽ. ബിഹാർ രണ്ടാം സ്ഥാനത്തുമുണ്ട്.