Category: News

തിരുവനന്തപുരം : പിണറായി വിജയനോട് തനിക്ക് ക്ഷമ ചോദിക്കണമെന്ന് ബര്‍ലിന്‍ കുഞ്ഞനന്തന്‍ നായര്‍. പിണറായി വിജയനെതിരെ താന്‍ ഉന്നയിച്ച വിമര്‍ശനങ്ങള്‍ മിക്കതും തെറ്റായിരുന്നു. മുതലാളിത്വത്തിന്റെ ദത്തുപുത്രനല്ലെന്ന് പിണറായി തെളിയിച്ചു. വിഭാഗിയതയില്‍ ഒരു പക്ഷത്ത് നില്‍ക്കേണ്ടിവന്നു.

പിണറായിയാണ് ഏറ്റവും പ്രഗത്ഭനായ മുഖ്യമന്ത്രി. പിണറായി വിജയനെ നേരിട്ട് കാണാമെന്ന് പ്രതീക്ഷിക്കുന്നതായും ബര്‍ലിന്‍ കുഞ്ഞനന്തന്‍ നായര്‍  മാധ്യമങ്ങളോട്  പറഞ്ഞു.കഴിഞ്ഞ 30 വര്‍ഷമായിട്ട് വളരെ അടുത്ത് അറിയുന്ന ആളുകളാണ് ഞങ്ങള്‍. ഇടക്കാലത്ത് ചില രാഷ്ട്രീയ അഭിപ്രായങ്ങളും അഭിപ്രായ വ്യത്യാസങ്ങളുമുള്ളതിനാല്‍ കണ്ടിട്ടില്ല.

മുഖ്യമന്ത്രിയായതിനുശേഷം ഈ ഭാഗത്തേക്ക് ഒക്കെ വരവ് കുറവാണ്. ഇപ്പോള്‍ എനിക്ക് 96 വയസായി. ഏറ്റവും പ്രിയപ്പെട്ട നേതാവായാണ് പിണറായി വിജയനെ കാണുന്നത്. പിണറായി വിജയനോട് ക്ഷമ ചോദിക്കുമെന്നും അദ്ദേഹം പറഞ്ഞു.ആരോഗ്യപരമായ പ്രശ്‌നങ്ങള്‍ കാരണം കണ്ണൂരിലെ വീട്ടില്‍ വിശ്രമത്തിലാണ് ബര്‍ലിന്‍ കുഞ്ഞനന്തന്‍ നായര്‍.

കൊച്ചി:  മറൈൻ ഡ്രൈവിലെ ലിങ്ക് ഹൊറൈസൺ ഫ്ലാറ്റിന്റ്റെ ആറാം നിലയിൽ നിന്ന് വീട്ടുജോലിക്കാരി താഴേയ്ക്കു ചാടിയ സംഭവത്തിൽ ഫ്ലാറ്റ് ഉടമ ഇംതിയാസ് അഹമ്മദിനെതിരെ പൊലീസ് കേസെടുത്തു. ഇവരെ വീട്ടുതടങ്കലിൽ വച്ചതിനാണ് കേസെടുത്തിരിക്കുന്നത്. രക്ഷപ്പെടാൻ ശ്രമിക്കുന്നതിനിടെ കാർ പാർക്കിങ്ങിനു മുകളിലേക്കു വീണ് തലയ്ക്കു പരുക്കേറ്റ സേലം സ്വദേശിനി കുമാരി(55)യുടെ നില ഗുരുതരമായി തുടരുകയാണ്. കുമാരിയുടെ ഭർത്താവ് മൊഴി നൽകിയതനുസരിച്ചാണ് പൊലീസ് കേസെടുത്തത്.

രാത്രി അടുക്കളയിൽ ഉറങ്ങാൻ കിടന്ന കുമാരിയെ രാവിലെ താഴെ വീണു കിടക്കുന്ന നിലയിൽ കണ്ടെത്തുകയായിരുന്നു. ഇക്കാര്യം ഫ്ലാറ്റ് ഉടമ തന്നെയാണ് പൊലീസിനെ അറിയിച്ചത്. ജോലിക്കാരി രക്ഷപെടുന്നതിനായി സാരികൾ കൂട്ടിക്കെട്ടി താഴെയിറങ്ങാൻ ശ്രമിക്കുന്നതിനിടെ അപകടത്തിൽപ്പെട്ടെന്ന നിഗമനത്തിലാണ് അന്വേഷണ പുരോഗമിക്കുന്നത്.

ജോലിക്കാരി ഗുരുതരാവസ്ഥയിൽ ആശുപത്രിയിൽ തുടരുന്നതിനാൽ ഇവരുടെ മൊഴി രേഖപ്പെടുത്താൻ പൊലീസിന് കഴിഞ്ഞിരുന്നില്ല. അതുകൊണ്ടു തന്നെ കേസെടുത്തില്ലെന്നായിരുന്നു പൊലീസ് നിലപാട്. കുമാരിക്കെതിരെ ആത്മഹത്യാ ശ്രമത്തിന് കേസെടുക്കുമെന്നു പൊലീസ് പറഞ്ഞെങ്കിലും പിന്നീട് അതുണ്ടായില്ല.
സ്വാധീനം മൂലമാണ് ഫ്ളാറ്റ് ഉടമയ്ക്കെതിരെ കേസെടുക്കാത്തതെന്ന ആരോപണം ശക്തമായതിനെ തുടർന്നാണ് പൊലീസ് നടപടി.

തിരുവനന്തപുരം: സംസ്ഥാനത്തെ സകൂളുകൾ തുറക്കുന്നതിനെപ്പറ്റി തീരുമാനമെടുക്കാൻ മുഖ്യമന്ത്രി പിണറായി വിജയന്റ്റെ അധ്യക്ഷതയിൽ യോഗം ചേരും. ഡിസംബർ 17 ന് തിരുവനന്തപുരത്താണ് യോഗം വിളിച്ചിരിക്കുന്നത്. പൊതു പരീക്ഷയുള്ള പത്ത്, പന്ത്രണ്ട് ക്ലാസുകൾ ജനുവരിയിൽ തുറക്കാനാകുമോ എന്നായിരിക്കും യോഗത്തിൽ പരിശോധിക്കുക. സംസ്ഥാനത്തെ കോവിഡ് വ്യാപനം വിലയിരുത്തിയതിനുശേഷം മാത്രമേ ഇക്കാര്യത്തിൽ അന്തിമ തീരുമാനമാകൂ.

അതേസമയം സംസ്ഥാനത്തെ പത്ത്, പന്ത്രണ്ട് ക്ലാസുകളിലെ അധ്യാപകരോട് ഡിസംബർ 17 മുതൽ സ്കൂളിലെത്താൻ സർക്കാർ നിർദ്ദേശിച്ചിട്ടുണ്ട്. 50 ശതമാനം അധ്യാപകർ ഒന്നിടവിട്ട ദിവസങ്ങളിൽ സ്കൂളി‌ലെത്താനാണ് നിർദ്ദേശം. തദ്ദേശ തെരഞ്ഞെടുപ്പിന് ശേഷമുള്ള കോവിഡ് സാഹചര്യം കൂടി കണക്കിലെടുക്കും.

ലോക്ക്ഡൗണിനെ തുടര്‍ന്ന് രാജ്യത്ത് അടച്ചിട്ട സ്‌കൂളുകള്‍ ഒക്ടോബര്‍ 15 മുതല്‍ തുറക്കാമെന്ന് കേന്ദ്രം വ്യക്തമാക്കിയിരുന്നു. പ്രവര്‍ത്തി സമയങ്ങളില്‍ മുഴുവന്‍ വൈദ്യ സഹായം ലഭ്യമാക്കണം, വിദ്യാര്‍ത്ഥികള്‍ക്ക് ഉച്ചഭക്ഷണം നല്‍കണം, ഹാജരിന്റ്റെ കാര്യത്തില്‍ കടുംപിടിത്തം പാടില്ല എന്നീ നിർദ്ദേശങ്ങളും കേന്ദ്ര സർക്കാർ സംസ്ഥാനങ്ങൾക്ക് നൽകിയിട്ടുണ്ട്.

കോട്ടയം, എറണാകുളം, തൃശൂർ, പാലക്കാട് , വയനാട് ജില്ലകളിലായി പുരോഗമിക്കുന്ന തദ്ദേശ തിരഞ്ഞെടുപ്പിന്റ്റെ രണ്ടാം ഘട്ട വോട്ടെടുപ്പ് ദിവസമായ ഇന്നും മികച്ച പോളിംഗ് രേഖപ്പെടുത്തി. വൈകുന്നേരം നാലുമണി കഴിഞ്ഞതോടെ 70 ശതമാനം പോളിം​ഗ് രേഖപ്പെടുത്തിയതായിയാണ് റിപ്പോർട്ടുകൾ സൂചിപ്പിക്കുന്നത്. രാവിലെ മുതൽ മിക്കവാറും എല്ലാ ബൂത്തുകളിലും നല്ല തിരക്കാണ് അനുഭവപ്പെടുന്നത്. ഇതുവരെയുള്ള കണക്കുകൾ പ്രകാരം വയനാട് ജില്ലയാണ് ഏറ്റവും കൂടുതൽ വോട്ട് രേഖപ്പെടുത്തിയത്.

457 തദ്ദേശ സ്ഥാപനങ്ങളിലെ 8,116 വാർഡുകളിലേക്കാണ് ഇന്ന് തെരഞ്ഞെടുപ്പ് നടക്കുന്നത്. രാവിലെ ഏഴ് മുതൽ വൈകിട്ട് ആറുവരെയാണ് പോളിംഗ്. ഇന്നലെ മൂന്ന് മണിക്ക് ശേഷം കൊവിഡ് സ്ഥിരീകരിച്ചവർക്ക് പി പി ഇ കിറ്റണിഞ്ഞ് പോളിംഗിന്റ്റെ അവസാന മണിക്കൂറിൽ വോട്ട് ചെയ്യാൻ അനുമതിയുണ്ട്.

കൊച്ചി: അഞ്ച് ദിവസത്തിനുള്ളിൽ തുടർച്ചയായി പെട്രോളിനും ഡീസലിനും വില വർധിച്ചു.പെട്രോളിന് 69 പൈസയും ഡീസലിന് 1.13 രൂപയുമാണ് വർദ്ധനവുണ്ടായത് .

ഇതേ ദിവസങ്ങളിൽ തന്നെ ക്രൂഡ് ഓയിലിനും വില വർധിച്ചു.രാജ്യാന്തര വിപണിയിൽ വില നിശ്ചയിക്കുന്നത് എണ്ണക്കമ്പനികളാണ്. വിലയിലെ ഏറ്റക്കുറച്ചിൽ തീരുമാനിക്കുന്നത് മൂല്യമനുസരിച്ചാണ്.ലോക്ക് ടൗണിനെ തുടർന്ന് രണ്ടു മാസത്തോളം വില വർധിപ്പിച്ചിരുന്നില്ല.എന്നാൽ മേയിൽ എക്‌സൈസ് നികുതി ഉയർത്തി.തുടർന്ന് ജൂൺ മുതൽ പ്രതിദിന വർധന തുടങ്ങി.ഇതോടെ ജനങ്ങൾ പ്രതിസന്ധിയിലായി.തുടർന്ന് പെട്രോളിനും ഡീസലിനും വില പുതുക്കിയിരുന്നില്ല.

ലോക്ക് ടൗണിനെ തുടർന്ന് ഉപയോഗം കുറഞ്ഞതിനാൽ ഉത്പാദനം കുറക്കാൻ ഒപെക് എന്ന ഉത്പാദകർ തീരുമാനിച്ചിരുന്നു.മാർച്ച് വരെ ഉല്പാദനത്തിന്റെ അളവ് കുറയ്ക്കുമെന്നാണ് സൂചന.