Category: Pravasi

മസ്‌കത്ത്: ഒമാനില്‍ കഴിഞ്ഞ മൂന്ന് ദിവസത്തിനിടെ 2,087 പേര്‍ക്ക് കൂടി കൊവിഡ്  സ്ഥിരീകരിച്ചു. വ്യാഴാഴ്ച 755 പേര്‍ക്കും വെള്ളിയാഴ്ച 605 പേര്‍ക്കും ശനിയാഴ്ച 727 പേര്‍ക്കുമാണ് കൊവിഡ് സ്ഥിരീകരിച്ചത്.   കൊവിഡ് ബാധിച്ച് ചികിത്സയിലായിരുന്ന 720 പേര്‍ കൂടി രോഗമുക്തരായി.   കൊവിഡ് ബാധിച്ച് പുതിയതായി മൂന്ന് മരണങ്ങള്‍ കൂടി റിപ്പോര്‍ട്ട് ചെയ്തു.

രാജ്യത്ത് ഇതുവരെ  3,12,425 പേര്‍ക്ക് കൊവിഡ് സ്ഥിരീകരിച്ചിട്ടുണ്ട്. ഇവരില്‍ 3,02,178 പേരും ഇതിനോടകം രോഗമുക്തരായിക്കഴിഞ്ഞു. 4,122 മരണങ്ങളാണ് റിപ്പോര്‍ട്ട് ചെയ്യപ്പെട്ടിട്ടുള്ളത്. നിലവില്‍ 96.7 ശതമാനമാണ് ഒമാനിലെ കൊവിഡ് രോഗമുക്തി നിരക്ക്. കഴിഞ്ഞ 24 മണിക്കൂറിനിടെ 25 കൊവിഡ് രോഗികളെ കൂടി ആശുപത്രികളില്‍ പ്രവേശിപ്പിച്ചു. ആകെ 88 കൊവിഡ് രോഗികളാണ് രാജ്യത്ത് ഇപ്പോള്‍ ആശുപത്രികളില്‍ ചികിത്സയിലുള്ളത്.

അബുദാബി: യുഎഇയില്‍ 3,116 പേര്‍ക്ക് കൂടി കൊവിഡ്. കഴിഞ്ഞ 24 മണിക്കൂറിനിടെ ചികിത്സയിലായിരുന്ന 1182 പേരാണ് രോഗമുക്തരായത്. രാജ്യത്ത് കൊവിഡ് ബാധിച്ച് മൂന്ന് മരണങ്ങള്‍ കൂടി റിപ്പോര്‍ട്ട് ചെയ്യപ്പെട്ടു.

കഴിഞ്ഞ 24 മണിക്കൂറിനിടെ നടത്തിയ 4,10,949 കൊവിഡ് പരിശോധനകളില്‍ നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള്‍ പ്രകാരം ആകെ  8,02,181 പേര്‍ക്ക് യുഎഇയില്‍ കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില്‍ 7,59,213 പേര്‍ ഇതിനോടകം തന്നെ രോഗമുക്തരായി.  2,188 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില്‍ രാജ്യത്ത് 40,780  കൊവിഡ് രോഗികളാണ് ചികിത്സയിലുള്ളത്.

റിയാദ്: പ്രവാസി മലയാളി ഉറക്കത്തില്‍ മരിച്ചു. മലപ്പുറം എ.ആര്‍ നഗര്‍ ഇരുമ്പംചോല സ്വദേശി ചോലക്കല്‍ അബ്ദു നാസര്‍ (52) ആണ് മരിച്ചത്. തെക്ക് പടിഞ്ഞാറന്‍ അതിര്‍ത്തി പട്ടണമായ ജീസാനിലാണ് മരിച്ചത്.

ബുധനാഴ്ച വൈകീട്ട് താമസസ്ഥലത്ത് ഉറക്കത്തില്‍ ഹൃദയാഘാതം സംഭവിക്കുകയായിരുന്നു.    ജിസാന്‍ പട്ടണത്തിന് സമീപം ആദാഇയില്‍ ഒരു ഷോപ്പില്‍ ജോലി ചെയ്തു വരികയായിരുന്നു. മൃതദേഹം സബിയ ജനറല്‍ ആശുപത്രി മോര്‍ച്ചറിയിലാണ്.  മരണാന്തര നടപടിക്രമങ്ങള്‍ കെ.എം.സി.സി നേതാവ് ഹാരിസ് കല്ലായിയുടെ നേതൃത്വത്തില്‍ നടക്കുന്നു.

റിയാദ്: സൗദി അറേബ്യയില്‍ 24 മണിക്കൂറിനിടെ 5,362 പേര്‍ക്കാണ് പുതുതായി രോഗം സ്ഥിരീകരിച്ചത്. നിലവിലെ രോഗികളില്‍ 2,499 പേര്‍ സുഖം പ്രാപിച്ചു. കൊവിഡ് മൂലമുള്ള രണ്ട് മരണവും രാജ്യത്ത് റിപ്പോര്‍ട്ട് ചെയ്തതായി ആരോഗ്യ മന്ത്രാലയം അറിയിച്ചു.

രാജ്യത്ത് ഇതുവരെ റിപ്പോര്‍ട്ട് ചെയ്ത കോവിഡ് കേസുകളുടെ എണ്ണം 5,93,545 ആയി. അതില്‍ 5,52,057 പേര്‍ രോഗമുക്തി നേടി. ആകെ മരണസംഖ്യ 8,899 ആയി. നിലവില്‍ 32,589 പേരാണ് കൊവിഡ് ബാധിച്ച് ചികിത്സയിലുള്ളത്. ഇവരില്‍ 218 പേരുടെ നില ഗുരുതരമാണ്. ഇവര്‍ രാജ്യത്തെ വിവിധ ആശുപത്രികളില്‍ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്.

റിയാദ്: സൗദി അറേബ്യയില്‍  24 മണിക്കൂറിനിടെ 4,778 പേര്‍ക്കാണ് കൊവിഡ് രോഗബാധ സ്ഥിരീകരിച്ചത്. നിലവിലെ രോഗികളില്‍ 893 പേര്‍ സുഖം പ്രാപിച്ചു. രോഗബാധിതരില്‍ രണ്ടുപേര്‍ മരിച്ചതായും സൗദി ആരോഗ്യ മന്ത്രാലയം അറിയിച്ചു. ഇന്ന് രാജ്യത്ത് ആകെ 128,418 കൊവിഡ് പി.സി.ആര്‍ പരിശോധനയാണ് നടത്തിയത്.

ഇതുവരെ റിപ്പോര്‍ട്ട് ചെയ്ത ആകെ കേസുകളുടെ എണ്ണം 583,531 ആയി. ആകെ രോഗമുക്തി കേസുകള്‍ 547,507 ആണ്. ആകെ മരണസംഖ്യ 8,895 ആയി. ചികിത്സയില്‍ കഴിയുന്നവരുടെ എണ്ണം 27,129 ആയി ഉയര്‍ന്നു. ഇതില്‍ 154 പേരുടെ നില ഗുരുതരമാണ്. ഇവര്‍ രാജ്യത്തെ വിവിധ ആശുപത്രികളില്‍ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ സ്ഥിതി തൃപ്തികരമാണ്. രാജ്യത്താകെ ഇതുവരെ 52,822,315 ഡോസ് വാക്‌സിന്‍ കുത്തിവെച്ചു.

3 വർഷത്തെ ജയിൽ വാസത്തിനു ശേഷം ജയിൽ മോചിതയായി സൗദി അറേബ്യയിലെ രാജകുമാരി ബസ്മ ബിന്ദ് സൗദും മകളും.   2019 മാർച്ചിലാണ് ഇവർ തടവിലാക്കപ്പെടുന്നത്. തടവിലാക്കപ്പെട്ടതിന്റെ കാരണം വ്യക്തമല്ല.

ഇരുവർക്കുമെതിരെ ഏതെങ്കിലും വകുപ്പുകളും ചുമത്തിയിരുന്നില്ല. മെഡിക്കൽ ചികിത്സയ്ക്കായി സ്വിറ്റ്സർലന്റിലേക്ക് പോവാനിരിക്കെയായിരുന്നു ബസ്മയെ കസ്റ്റഡിയിലെടുത്തത്. സൗദി ഭരണകൂടത്തിനെതിരെ വിമർശനങ്ങളുന്നയിച്ചിരുന്ന വ്ക്തിയായിരുന്നു ബസ്മ രാജകുമാരി. ഇതാണ് തടവിലാക്കപ്പെട്ടതിനു കാരണമെന്നായിരുന്നു റിപ്പോർട്ടുകൾ.

സൗ​ദി​യി​ൽ നി​യ​മ​ലം​ഘ​ക​രെ പി​ടി​കൂ​ടാ​നു​ള്ള പ​രി​ശോ​ധ​ന ആ​ഭ്യ​ന്ത​ര മ​ന്ത്രാ​ല​യം ക​ർ​ശ​ന​മാ​യി തു​ട​രു​ന്നു. ക​ഴി​ഞ്ഞ ഒ​രാ​ഴ്ച​ക്കു​ള്ളി​ൽ 13,709 പേ​രെ​യാ​ണ് സു​ര​ക്ഷ വി​ഭാ​ഗം പി​ടി​കൂ​ടി​യ​ത്. ഇ​വ​രി​ൽ 7,118 പേ​ർ പി​ടി​ക്ക​പ്പെ​ട്ട​ത് താ​മ​സ​രേ​ഖ നി​യ​മം ലം​ഘി​ച്ച​തി​നാ​ണ്. അ​തി​ർ​ത്തി സു​ര​ക്ഷ സം​വി​ധാ​നം ലം​ഘി​ച്ച 5,015 പേ​രെ​യും തൊ​ഴി​ൽ വ്യ​വ​സ്ഥ ലം​ഘി​ച്ച 1,576 പേ​രെ​യും പി​ടി​കൂ​ടി​യി​ട്ടു​ണ്ട്.

അ​തി​ർ​ത്തി​യി​ലൂ​ടെ അ​ന​ധി​കൃ​ത​മാ​യി സൗ​ദി​യി​ലേ​ക്ക് ക​ട​ക്കാ​ൻ ശ്ര​മി​ക്കു​ന്ന​തി​നി​ടെ അ​റ​സ്റ്റി​ലാ​യ​വ​രു​ടെ എ​ണ്ണം 365 ആ​ണ്. ഇ​വ​രി​ൽ 53 ശ​ത​മാ​നം പേ​ർ ഇ​ത്യോ​പ്യ​ക്കാ​രും 45 ശ​ത​മാ​നം പേ​ർ യ​മ​നി​ക​ളും ര​ണ്ടു ശ​ത​മാ​നം മ​റ്റു രാ​ജ്യ​ക്കാ​രു​മാ​ണ്. അ​ന​ധി​കൃ​ത​മാ​യി സൗ​ദി​യി​ൽ​നി​ന്നും അ​തി​ർ​ത്തി വ​ഴി മ​റ്റു രാ​ജ്യ​ത്തേ​ക്ക് ക​ട​ക്കാ​ൻ ശ്ര​മി​ച്ച 75 പേ​രും പി​ടി​യി​ലാ​യി​ട്ടു​ണ്ട്.

താ​മ​സ, തൊ​ഴി​ൽ, അ​തി​ർ​ത്തി സു​ര​ക്ഷ ച​ട്ട​ങ്ങ​ൾ ലം​ഘി​ക്കു​ന്ന​വ​രെ സ​ഹാ​യി​ച്ച​തി​നും അ​വ​ർ​ക്ക് അ​ഭ​യം ന​ൽ​കി​യ​തി​നും യാ​ത്രാ​സൗ​ക​ര്യം ചെ​യ്തു​കൊ​ടു​ത്ത​തി​നു​മാ​യി ഏ​ഴ് പേ​ർ പി​ടി​യി​ലാ​യി​ട്ടു​ണ്ട്.

ദോഹ: ഖത്തറില്‍  2,779 പേര്‍ക്ക് കൂടി കൊവിഡ്സ്ഥി രീകരി ച്ചു. ചികിത്സയിലായിരുന്ന 317 പേര്‍ കൂടി രാജ്യത്ത് രോഗമുക്തി നേടി. ആകെ 2,46,784 പേരാണ് ഇതുവരെ രോഗമുക്തരായിട്ടുള്ളത്.

പുതിയതായി സ്ഥിരീകരിച്ച കൊവിഡ് കേസുകളില്‍ 2,053 പേര്‍ക്ക് സമ്പര്‍ക്കത്തിലൂടെയും 726 പേര്‍ വിദേശത്ത് നിന്ന് മടങ്ങിയെത്തിയവരാണ്. കൊവിഡ് ബാധിച്ച് പുതിയതായി മരണങ്ങളൊന്നും റിപ്പോര്‍ട്ട് ചെയ്തിട്ടില്ല. 618 പേരാണ് ഖത്തറില്‍ ആകെ കൊവിഡ് ബാധിച്ച് മരിച്ചത്. ആകെ 2,60,283 പേര്‍ക്കാണ് രാജ്യത്ത് കൊവിഡ് സ്ഥിരീകരിച്ചിട്ടുള്ളത്.

നിലവില്‍ 12,881 പേര്‍ കൊവിഡ് ബാധിച്ച് ചികിത്സയിലുണ്ട്. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് എട്ടു പേരെ കൂടി തീവ്രപരിചരണ വിഭാഗത്തില്‍ പ്രവേശിപ്പിച്ചു. നിലവില്‍ 42 പേരാണ് തീവ്രപരിചരണ വിഭാഗങ്ങളില്‍ കഴിയുന്നത്.

അബുദാബി: സർക്കാർ ജീവനക്കാർക്ക് ബൂസ്റ്റർ ഡോസ് നിർബന്ധമാക്കി അബുദാബി. അബുദാബി ഡിപ്പാർട്‌മെന്റ് ഓഫ് ഗവൺമെന്റ്‌ സപ്പോർട്ട്, അബുദാബി എമർജൻസി ക്രൈസിസ് ആൻഡ് ഡിസാസ്റ്റേഴ്സ് കമ്മിറ്റി എന്നിവർ ചേർന്നാണ് പുതിയ തീരുമാനം നടപ്പിലാക്കുന്നത്.

ജനുവരി 10, തിങ്കളാഴ്ച്ച മുതൽ എമിറേറ്റിലെ മുഴുവൻ സർക്കാർ ജീവനക്കാർക്കും തങ്ങളുടെ തൊഴിലിടങ്ങളിലേക്ക് പ്രവേശിക്കുന്നതിന് ബൂസ്റ്റർ ഡോസ് സ്വീകരിക്കുന്നത് നിർബന്ധമാക്കാനാണ് തീരുമാനം.  കോവിഡ് വാക്‌സിനേഷൻ കുത്തിവെയ്പ്പ് സ്വീകരിക്കുന്നതിൽ ഔദ്യോഗികമായ ഇളവുകൾ നേടിയിട്ടുള്ളവർക്ക് ഈ തീരുമാനം ബാധകമല്ല. കോവിഡ് മുൻകരുതൽ നടപടികൾ കൂടുതൽ ശക്തമാക്കുന്നതിന്റെ ഭാഗമായാണ് പുതിയ നടപടിയെന്ന് അധികൃതർ അറിയിച്ചു.

അബുദാബിയിലെ സർക്കാർ ഓഫീസുകളിലെത്തുന്ന ജീവനക്കാർ, സേവനദാതാക്കൾ, കരാർ അടിസ്ഥാനത്തിലുള്ള വ്യക്തികൾ തുടങ്ങിയവർ എല്ലാ മുൻകരുതൽ നിർദ്ദേശങ്ങളും കർശനമായി പാലിക്കണമെന്നാണ് നിർദ്ദേശം നൽകിയിരിക്കുന്നത്.

അബുദാബി: യുഎഇയില്‍2 ,708 പേര്‍ക്ക് കൂടി കൊവിഡ് വൈറസ് ബാധ സ്ഥിരീകരി ച്ചു. കഴിഞ്ഞ 24 മണിക്കൂറിനിടെ ചികിത്സയിലായിരുന്ന 743 പേരാണ് രോഗമുക്തരായത്  . രാജ്യത്ത് കൊവിഡ് ബാധിച്ച് പുതിയതായി മരണങ്ങളൊന്നും റിപ്പോര്‍ട്ട് ചെയ്തിട്ടില്ല.

കഴിഞ്ഞ 24 മണിക്കൂറിനിടെ നടത്തിയ 4,69,028 കൊവിഡ് പരിശോധനകളില്‍ നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള്‍ പ്രകാരം ആകെ  7,74,897 പേര്‍ക്ക് യുഎഇയില്‍ കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില്‍  7,49,254 പേര്‍ ഇതിനോടകം തന്നെ രോഗമുക്തരായി. 2,170 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില്‍ രാജ്യത്ത് 23,473 കൊവിഡ് രോഗികളാണ് ചികിത്സയിലുള്ളത്.