Category: Sports

ഗോവ : ഇന്ത്യൻ സൂപ്പർ ലീഗിലെ ഇന്നത്തെ രണ്ടാം മത്സരവും സമനില കുരുക്കിൽ,ഒഡിഷ എഫ്സി ബാംഗ്ലൂർ എഫ്സി മത്സരം ഇരു ടീമുകളും ഓരോ ഗോളടിച്ചു സമനിലയിൽ പിരിഞ്ഞു,

കളിയുടെ എട്ടാം മിനിറ്റിൽ മൗറീഷ്യോ നേടിയ ഗോളിൽ മുന്നിലെത്തിയ ഒഡിഷക്കെതിരെ,എമ്പതി രണ്ടാം മിനിറ്റിൽ എറിക്ക് പാർത്താലുവിലൂടെ ബാംഗ്ലൂർ തിരിച്ചടിച്ചു.

ഇരു ടീമുകളും ഇന്ന് ഗോൾ നേടിയത് സെറ്റ് പീസുകളിലൂടെയാണ് എന്ന പ്രത്യേകതയുമുണ്ട്.

ഗോവ : ഇന്നലെ ബാംഗ്ലൂരിനെതിരെ നേടിയ വിജയത്തോടെ കേരളാബ്ലാസ്റ്റേഴ്‌സ് ഐഎസ്എൽ പോയിന്റ് പട്ടികയിൽ ഒരു സ്ഥാനം മെച്ചപ്പെടുത്തി ഒമ്പതാം സ്ഥാനത്തേക്ക് കടന്നു.

പന്ത്രണ്ട് മത്സരങ്ങളിൽ നിന്ന് ബ്ലാസ്റ്റേഴ്‌സിന് 13 പോയിന്റാണ് നിലവിലുള്ളത്.

എട്ടും, ഏഴും സ്ഥാനങ്ങളിൽ നില്ക്കുന്ന ജംഷഡ്പൂര്, ബാംഗ്ലൂർ ടീമുകൾക്കും 13 പോയിന്റാണ് ഉള്ളത്.

ബ്ലാസ്റ്റേഴ്‌സിന് പ്ലേഓഫ് സാധ്യതകൾ നിലനിർത്തുവാൻ ഇനിയുള്ള മത്സരങ്ങളിൽ വിജയം അനിവാര്യമാണ്.

ഗോവ : ബ്ലാസ്റ്റേഴ്സിനെ സംബന്ധിച്ചിടത്തോളം ഐഎസ്എല്ലിൽ ഏറ്റവും തിരക്കേറിയ ഷെഡ്യുളാണ് വരാനിരിക്കുന്നത്.

14 ദിവസത്തിനിടയിൽ നാല് മാച്ചുകൾ അതിൽ തന്നെ മൂന്ന് എതിരാളികൾ പോയിന്റ് ടേബിളിൽ ഏറ്റവും മുന്നിൽ നിൽക്കുന്നവർ.

ഇവിടെ ഏറ്റവും വലിയ ഒരു വെല്ലുവിളി താരങ്ങളുടെ ഫിറ്റ്നസ് തന്നെയാണ്. ഈ ഒരു കാരണം കൊണ്ട് തന്നെയാവും ഫക്കുണ്ടോപെരേരയെ ഇന്നലെ സ്‌ക്വാഡിൽ ഉൾപ്പെടുത്തികൊണ്ടുള്ള റിസ്ക് എടുക്കാൻ കിബു മുതിരാതിരുന്നത്.

ഈ നാല് മത്സരങ്ങളിലും ഒരേ ടീം വച്ചു ഇറങ്ങുക എന്ന് പറയുന്നതും അത്ര എളുപ്പമുള്ള കാര്യമാകില്ല. പല രീതിയിൽ താരങ്ങളെ സബ് ലിസ്റ്റിലിട്ടൊക്കെ ആദ്യ ഇലവൻ സെറ്റ് ചെയ്യേണ്ടി വന്നേക്കാം.

ഇനിയുള്ള മത്സരങ്ങളിൽ വിജയം മാത്രം ലക്ഷ്യമിട്ട് ഇറങ്ങുന്ന ബ്ലാസ്റ്റേഴ്‌സിന് മറ്റൊരു വെല്ലുവിളി തുടർച്ചയായ മത്സരങ്ങളായിരിക്കും.

ഗോവ : കഴിഞ്ഞ മത്സരത്തിൽ ഈസ്റ്റ്ബംഗാളിനോട്‌ അവസാനനിമിഷം വിജയം കൈവിട്ട കേരളാബ്ലാസ്റ്റേഴ്‌സ് ഇന്നലെ നടന്ന ബാംഗ്ലൂരുമായുള്ള മത്സരത്തിൽ വിജയം പിടിച്ചു വാങ്ങുകയായിരുന്നു.

ആദ്യ പകുതിയിൽ ക്ലിറ്റൻസിൽവയിലൂടെ മുന്നിലെത്തിയ ബാംഗ്ലൂരിനു എഴുപത്തിമൂന്നാം മിനിറ്റിൽ പ്യുറ്റിയയിലൂടെയാണ് ബ്ലാസ്റ്റെഴ്സ് മറുപടി നല്കിയത്.

കളിഅവസാനിക്കുവാൻ ഏതാനും സെക്കണ്ടുകൾ മാത്രം അവശേഷിക്കവേയാണ് കെ. പി. രാഹുലിന്റെ മിന്നും ഗോളിലൂടെ മഞ്ഞപ്പട വിജയവും വിലപ്പെട്ട മൂന്ന് പോയിന്റും നേടിയത്.

കേരളത്തിന്റെ രണ്ട് ഗോളുകളുടെയും അണിയറയിലെ സൂത്രധാരൻ ഗാരിഹൂപ്പറായിരുന്നു.

സഞ്ജു സാംസണ്‍ രാജസ്ഥാന്‍ റോയല്‍സ് ക്യാപ്റ്റന്‍. കഴി‍ഞ്ഞ സീസണിൽ ടീമിനെ നയിച്ച ഓസ്ട്രേലിയൻ താരം സ്റ്റീവ് സ്മിത്തിന് പകരക്കാരനായാണ് സഞ്ജുവിന്റെ നിയമനം. രാജസ്ഥാൻ റോയൽസ് സോഷ്യൽ മീഡിയയിലൂടെയാണ് പുതിയ ക്യാപ്റ്റനെ പ്രഖ്യാപിച്ചത്. ഒരു ഐപിഎല്‍ ടീമിന്‍റെ ക്യാപ്റ്റനാകുന്ന ആദ്യ മലയാളിയാണ് സഞ്ജു. പന്ത് ചുരണ്ടല്‍ വിവാദത്തിന് ശേഷം ടീമില്‍ തിരിച്ചെത്തിയ സ്മിത്തിനെ റോയല്‍സ് ക്യാപ്റ്റനാക്കിയിരുന്നു.

യുഎഇയിൽ നടന്ന ഐപിഎൽ 13–ാം സീസണിൽ രാജസ്ഥാൻ റോയൽസ് അവസാന സ്ഥാനത്താണ് ഫിനിഷ് ചെയ്തത്. ഇപ്പോഴത്തെ ടീമിലെ 17 താരങ്ങളെ പുതിയ സീസണിലേക്ക് നിലനിർത്തുമെന്നും രാജസ്ഥാൻ റോയൽസ് അറിയിച്ചിട്ടുണ്ട്. ബാക്കിയുള്ള എട്ട് താരങ്ങളെ റിലീസ് ചെയ്യും. രാജസ്ഥാൻ റോയൽസിലെ ഏറ്റവും അനുഭവ സമ്പത്തുള്ള ഇന്ത്യൻ താരമാണ് സഞ്ജു. ഈ സാഹചര്യത്തിലാണ് സഞ്ജുവിനെ നായകനായി തെരഞ്ഞെടുത്തത്.