Month: November 2020

ന്യൂഡൽഹി: മുതിർന്ന സ്ത്രീക്ക് എവിടെയും ആർക്കൊപ്പവും ജീവിക്കാം എന്ന് ഡൽഹി ഹൈക്കോടതി.20 കാരിയെ ഭർത്താവിനോട് കൂട്ടിച്ചേർത്താണ് കോടതി ഇക്കാര്യം പറഞ്ഞത്.

സുലേഖ എന്ന പ്രായപൂർത്തിയാകാത്ത പെൺകുട്ടിയെ ബബ്‌ലു എന്ന യുവാവ് തട്ടിക്കൊണ്ടുപോയി എന്ന സുലേഖയുടെ കുടുംബത്തിന്റെ പരാതിയെ തുടർന്നാണ് കോടതി ഇക്കാര്യം പരാമർശിച്ചത്.സുലേഖയെ ബബ്‌ലുവിനൊപ്പം താമസിക്കാൻ കോടതി അനുവദിച്ചു.

സുലേഖ പ്രായപൂർത്തിയാണെന്നു കണ്ടെത്തിയ കോടതി രണ്ടുപേർക്കും സുരക്ഷ നൽകാൻ പോലീസിനു കോടതി നിർദ്ദേശം നൽകി.ഏതു സമയത്തും ബന്ധപ്പെടാൻ ഒരു പോലീസ് ഉദ്യോഗസ്ഥന്റെ നമ്പർ ദമ്പതികൾക്ക് നല്കാൻ കോടതി ആവശ്യപ്പെട്ടിട്ടുണ്ട്.

സുലേഖയെ കാണാനില്ലെന്നും ബബ്‌ലുവാണു ഇതിനു പിന്നിലെന്നും പറഞ്ഞു സുലേഖയുടെ സഹോദരിയാണ് കേസ് കൊടുത്ത്.

ന്യൂഡൽഹി: പ്രധാനമന്ത്രി നരേന്ദ്ര മോഡി ഡിസംബർ ആദ്യ വാരത്തിൽ പുതിയ പാർലമെൻറ് മന്ദിരത്തിനു തറക്കല്ലിടും.ആലോചനയിലുള്ള ദിവസം ഡിസംബർ 10 ആണ്.നിർമാണം പൂർത്തിയാക്കാൻ 21 മാസം വേണ്ടിവരുമെന്നാണ് സൂചന.

ഇതിന്റെ ഭാഗമായി മഹാത്മാ ഗാന്ധി,അംബേദ്‌കർ എന്നിവരുടെ പ്രതിമകൾ എടുത്തു മാറ്റുകയും നിർമാണം പൂർത്തിയായതിനു ശേഷം അനുയോജ്യമായ സ്ഥലത്ത് ഉറപ്പിക്കുമെന്നുമാണ് തീരുമാനം എന്ന് അധികൃതർ പറഞ്ഞു.പുതിയ കെട്ടിടത്തിൽ എല്ലാ എം എൽ എ മാർക്കും പ്രത്യേകം ഓഫീസ് ഉണ്ടായിരിക്കും.ഡിജിറ്റലൈസേഷനും നടപ്പിലാക്കും.ഭരണഘടനാ ഹാൾ,ലൈബ്രറി തുടങ്ങിയ സജ്ജീകരണങ്ങളും ഉണ്ടാകും.

ബംഗളുരു:10 വയസ്സുകാരിയെ പീഡിപ്പിച്ച പൂജാരി അറസ്റ്റിൽ.62 കാരനായ പൂജാരിയെ സിസി ടിവി യുടെ സഹായത്തിലാണ് പിടികൂടിയത്.പ്രതി കുറ്റം സമ്മതിച്ചിട്ടുണ്ട്.സംഭവം നടന്നത് ബാംഗ്ളൂരിലെ ദേവനഹള്ളിയിലാണ്.

മകളുടെ വീട്ടിൽ വച്ചാണ് വെങ്കട രാമനപ്പ പെൺകുട്ടിയെ ബലാത്സംഗം ചെയ്തത്.മധുരപലഹാരങ്ങൾ നൽകാമെന്ന് പറഞ്ഞു പ്രലോഭിപ്പിച്ചിട്ടാണ് ഇയാൾ പെൺകുട്ടിയെ വീട്ടിലേക്കു കൊണ്ടുവന്നു പീഡിപ്പിച്ചതെന്ന് പോലീസ് പറയുന്നു.

കാണാതായ മകളെ തിരഞ്ഞുവന്ന രക്ഷിതാക്കളോട് പൂക്കാരിയാണ് പൂജാരിയുടെ കൂടെ കണ്ടെന്നു പറഞ്ഞത്.മകളെ കണ്ടെത്തിയതിനു ശേഷം സംഭവമറിഞ്ഞ രക്ഷിതാക്കൾ പോലീസിൽ പരാതി നൽകുകയായിരുന്നു.

ഡൽഹി: കോവിഡ് വ്യാപനം മൂലം സംസ്ഥാനങ്ങൾ പാലിക്കേണ്ട മാർഗനിർദേശങ്ങൾ കേന്ദ്രസർക്കാർ പുറപ്പെടുവിച്ചു.കോൺടൈന്മെന്റ് സോണിൽ കർശന നിയന്ത്രണമേർപ്പെടുത്തുക,രോഗികളുമായി സമ്പർക്കത്തിലുണ്ടായിരുന്നവരെ കണ്ടെത്തുക,രോഗവ്യാപനം തടയുന്ന രീതിയിലുള്ള പെരുമാറ്റങ്ങൾ പ്രോത്സാഹിപ്പിക്കുക തുടങ്ങിയവയാണ് പുതിയ നിർദ്ദേശങ്ങൾ.

പ്രാദേശിക സാഹചര്യം കണക്കിലെടുത്ത്‌ സംസ്ഥാനങ്ങൾക്കും കേന്ദ്രഭരണപ്രദേശങ്ങൾക്കും കർഫ്യൂ ഏർപ്പെടുത്താം.കേന്ദ്ര ആഭ്യന്തര മന്ത്രാലയവും ആരോഗ്യ കുടുംബ ക്ഷേമ മന്ത്രാലയവും നൽകിയിട്ടുള്ള നിർദേശങ്ങൾ പാലിക്കണം.നിയന്ത്രണങ്ങൾ നടപ്പാക്കുന്നുവെന്നു ഉറപ്പാക്കേണ്ടത് പോലീസും മുനിസിപ്പൽ അധികാരികളുമാണ്.

കോൺടൈന്മെന്റ് സോണുകളിൽ ആവശ്യ സേവനങ്ങൾ മാത്രമേ അനുവദിക്കാവൂ.പ്രോട്ടോകോൾ പ്രകാരം പരിശോധനകൾ ഉറപ്പിക്കണം.വീടുകൾ കയറിയിറങ്ങിയുള്ള നിരീക്ഷണം ഏർപ്പെടുത്തണം.കോവിഡ് സ്ഥിരീകരിക്കുന്നവരെ വീട്ടിലോ ചികിത്സ കേന്ദ്രത്തിന്റെ ഉടൻ തന്നെ നിരീക്ഷണത്തിലാക്കണം .ചികിത്സ കേന്ദ്രങ്ങളിലും ക്ലിനിക്കുകളിലും മൊബൈൽ യൂണിറ്റുകൾക്ക് പരിശോധന നടത്താം.

സംസ്ഥാനത്തിന് അകത്തുള്ള യാത്രകൾക്കും സംസ്ഥാനാന്തര യാത്രകൾക്കും യാതൊരു നിയന്ത്രണവും പാടില്ല.ചരക്കു ഗതാഗതവും നിയന്ത്രിക്കരുത്.അയൽ രാജ്യങ്ങളുമായുള്ള ഉടമ്പടി പ്രകാരമുള്ള ചരക്കുനീക്കവും നിയന്ത്രിക്കാൻ പാടില്ല.

65 വയസ്സിനു മുകളിൽ പ്രായമുള്ളവർ,ഗർഭിണികൾ, രോഗം ബാധിച്ചവർ,10 വയസ്സിനു താഴെ പ്രായമുള്ള കുട്ടികൾ എന്നിവർ വീടിനു പുറത്തിറങ്ങരുത്.അടിയന്തിര ആവശ്യങ്ങൾക്ക് മാത്രമേ ഇവർ പുറത്തിറങ്ങാവു.

ന്യൂഡൽഹി: ദേശീയ പണിമുടക്ക് പൂർണം.പണിമുടക്ക് പ്രഖ്യാപിച്ചത് തൊഴിലാളി സംഘടനാ കൂട്ടായ്മയാണ്.പണിമുടക്ക് ആരംഭിച്ചത് ബുധനാഴ്ച അർധരാത്രി പന്ത്രണ്ടോടു കൂടിയാണ്.ഇതോടെ ബാങ്കിങ് രംഗം അനിശ്ചിതത്തിലായി.കടകളെല്ലാം അടഞ്ഞു കിടക്കുകയാണ്.

കെ എസ് ആർ ടി സി ഉൾപ്പെടെ സർവീസ് നടത്താത്തതിനാൽ കേരളത്തിൽ ഹർത്താലിന്റെ പ്രതീതിയാണുള്ളത്.തൊഴിൽ കോഡ് പിൻവലിക്കുക,ആദായ നികുതിദായകരല്ലാത്ത എല്ലാ കുടുംബങ്ങൾക്കും പ്രതിമാസം 7500 രൂപ വീതം നൽകുക,ആവശ്യക്കാർക്ക് 10 കിലോ ഭക്ഷ്യധാന്യം നൽകുക,കർഷക ദ്രോഹ നിയമങ്ങൾ പിൻവലിക്കുക തുടങ്ങിയ ആവശ്യങ്ങളാണ് പണിമുടക്ക് ഉന്നയിക്കാൻ കാരണം.