0 Comments

 

ന്യൂയോര്‍ക്ക്: അമേരിക്കന്‍ മുന്‍ പ്രസിഡന്റ് ബില്‍ ക്ലിന്റണെ ഇംപീച്ച് ചെയ്യാൻ വഴിവെച്ച വിവാദത്തിലെ പ്രധാന കണ്ണിയായ ലിന്‍ഡ ട്രിപ് അന്തരിച്ചു. 70 വയസായിരുന്നു. പാന്‍ക്രിയാറ്റിക് കാന്‍സറിനെ തുടര്‍ന്ന് ചികിത്സയിലായിരുന്നു.

1997-ല്‍ പെന്റഗണ്‍ ജീവനക്കാരിയായിരുന്ന ലിന്‍ഡ ട്രിപ്, വൈറ്റ് ഹൗസ് ഇന്റേണായിരുന്ന മോണിക്ക ലെവിന്‍സ്‌കിയുമായി നടത്തിയ സംഭാഷണങ്ങള്‍ ലിന്‍ഡ റെക്കാഡ് ചെയ്യുകയും പിന്നീട് അത് പുറത്തുവിടുകയും ചെയ്‌തിരുന്നു. ഈ തെളിവുകളുടെ അടിസ്ഥാനത്തിലാണ് 1998ല്‍ അന്നത്തെ അമേരിക്കന്‍ പ്രസിഡന്റായിരുന്ന ബില്‍ ക്ലിന്റണെതിരെയുള്ള ഇംപീച്ച്‌മെന്റ് നടപടികൾക്ക് തുടക്കം കുറിച്ചത്.

വൈറ്റ് ഹൗസ് ഇന്റര്‍ണീയായിരുന്ന മോണിക്ക ലെവന്‍സ്‌കി ഒരിക്കല്‍ ഫോണ്‍ സംഭാഷണത്തിനിടെ പ്രസിഡന്റ് ക്ലിന്റണുമായുള്ള ബന്ധത്തെ കുറിച്ച് ട്രിപ്പിനോട് പറഞ്ഞിരുന്നു. എന്നാല്‍ ട്രിപ് ഇത് രഹസ്യമായി റെക്കോഡ് ചെയ്യുന്നുണ്ടായിരുന്നു. 1998 ജനുവരിയില്‍ ലിന്‍ഡ മോണിക്കയുടെ സംഭാഷണമടങ്ങിയ ടേപ്പ് അഭിഭാഷകർക്ക് കൈമാറി. തെളിവുകളുടെ അടിസ്ഥാനത്തിൽ ബിൽ ക്ലിന്റണെ ഇംപീച്ച്‌ ചെയ്തെങ്കിലും സെനറ്റിലെത്തിയപ്പോള്‍ കുറ്റമോചിതനായിരുന്നു.

Leave a Reply

Your email address will not be published. Required fields are marked *

error: Content is protected !!