0 Comments

ബെവ്ക്യൂ ആപ്പിനെതിരെയും അഴിമതിയാരോപണവുമായി പ്രതിപക്ഷ നേതാവ് രമേശ് ചെന്നിത്തല. സിപിഐഎമ്മിന്റെ സഹയാത്രികന്റെ ഉടമസ്ഥതയിലുളള കമ്പനിയെ ആപ്ലിക്കേഷൻ തയ്യാറാക്കാൻ നിയമിച്ചതിൽ ദുരൂഹതയുണ്ട്. ഐടി വകുപ്പിൽ അഴിമതി കൊടികുത്തി വാഴുന്നുവെന്നും ഡാറ്റ നശിപ്പിച്ചുവെന്ന സ്പ്രിംഗ്‌ളറിന്റെ വാദം വിശ്വസനീയമല്ലെന്നും ചെന്നിത്തല പ്രതികരിച്ചു.

സർക്കാർ സംവിധാനങ്ങളെ മാറ്റി നിർത്തി സ്വകാര്യ കമ്പനിക്ക് കോടികളുടെ ലാഭമുണ്ടാക്കി കൊടുക്കാനുളള നീക്കമാണ് ബെവ്ക്യൂ ആപ്പിന് പിന്നിലെന്നാണ് പ്രതിപക്ഷ ആക്ഷേപം. ഉത്തരവ് റദ്ദാക്കണമെന്നും വിഷയത്തിൽ സമഗ്രാന്വേഷണം വേണമെന്നും പ്രതിപക്ഷം ആവശ്യപ്പെട്ടു. വ്യക്തിഗത വിവരങ്ങൾ നശിപ്പിച്ചുവെന്ന സ്പ്രിംഗ്‌ളറിന്റെ വാദത്തെയും പ്രതിപക്ഷം മുഖവിലക്കെടുത്തിട്ടില്ല.

Leave a Reply

Your email address will not be published. Required fields are marked *