0 Comments

ഫൈസര്‍-ബയോഎന്‍ടെക്കിന്‍റെ കൊവിഡ് പ്രതിരോധ വാക്‌സിന്‍റെ ആദ്യ ബാച്ച് ഒമാനിലെത്തി. ഡിഎച്ച്എല്‍ കാര്‍ഗോ വിമാനത്തില്‍ മസ്‌കത്ത് അന്താരാഷ്ട്ര വിമാനത്താവളത്തിലെത്തിയ 15600 ഡോസ് വാക്‌സിന്‍ ആരോഗ്യ വകുപ്പ് അധികൃതര്‍ ഏറ്റുവാങ്ങി.

വാക്‌സിനേഷന്‍ ക്യാമ്പെയിന് രാജ്യത്ത് ഞായറാഴ്ച തുടക്കമാവുമെന്ന് ആരോഗ്യമന്ത്രാലയം അറിയിച്ചു. വാക്‌സിനേഷന്‍റെ കാര്യത്തില്‍ ജനങ്ങള്‍ക്ക് ആത്മവിശ്വാസം പകരുന്നതിനും അവരെ പ്രോല്‍സാഹിപ്പിക്കുന്നതിനുമായി ആരോഗ്യ വകുപ്പ് മന്ത്രി ഡോ. അഹമ്മദ് ബിന്‍ മുഹമ്മദ് അല്‍ സയീദിയാണ് ആദ്യ ഡോസ് സ്വീകരിക്കുക. വാക്‌സിന്‍ സുരക്ഷിതവും ഫലപ്രദവുമാണെന്ന സന്ദേശം ഇതിലൂടെ ജനങ്ങളിലെത്തിക്കാനാണ് അധികൃതര്‍ കരുതുന്നത്.

മുതിര്‍ന്നവര്‍, പ്രമേഹ രോഗികള്‍, ഗുരുതര ശ്വാസകോശ രോഗങ്ങളുള്ളവര്‍, കൊവിഡ് ചികില്‍സയുടെ മുന്‍നിരയിലുള്ള ആരോഗ്യ പ്രവര്‍ത്തകര്‍ തുടങ്ങി മുന്‍ഗണനാ പട്ടികയിലുള്ളവര്‍ക്കാണ് ആദ്യ ഘട്ടത്തില്‍ വാക്‌സിന്‍ നല്‍കുക.

വാക്‌സിന്‍റെ രണ്ടാമത് ബാച്ച് ജനുവരിയില്‍ ഒമാനിലെത്തും. 28000 ഡോസ് ആണ് രണ്ടാം ബാച്ചില്‍ ലഭിക്കുക. വിവിധ ഘട്ടങ്ങളിലായി ജനസംഖ്യയുടെ 60 ശതമാനം പേര്‍ക്ക് വാക്‌സിന്‍ നല്‍കാനാണ് ആരോഗ്യ വകുപ്പ് ലക്ഷ്യമിടുന്നത്. ഒമാനില്‍ ഇതിനകം 1.3 ലക്ഷത്തോളം പേര്‍ക്ക് കൊവിഡ് ബാധ സ്ഥിരീകരിച്ചത്. 1500ഓളം പേരാണ് കൊവിഡ് ബാധിച്ച് രാജ്യത്ത് മരിച്ചത്.

Author

webdesk.mex@gmail.com

Leave a Reply

Your email address will not be published. Required fields are marked *

error: Content is protected !!