0 Comments

 

കുവൈത്ത് സിറ്റി: കുവൈത്ത് നാഷനല്‍ അസംബ്ലിക്കു കീഴിലെ വനിതാ പാര്‍ലമെന്ററി സമിതിയില്‍ ഒരൊറ്റ സ്ത്രീ പോലുമില്ല. കമ്മിറ്റിയിലേക്ക് നിയമിതരായ മൂന്നു പേരും പുരുഷന്‍മാര്‍. കഴിഞ്ഞ ഡിസംബറില്‍ തെരഞ്ഞെടുക്കപ്പെട്ട നാഷനല്‍ അസംബ്ലിയിലേക്ക് സ്ത്രീകളാരും വിജയിച്ചിരുന്നില്ല എന്നതായിരുന്നു കാരണം.

വനിതാ പാര്‍ലമെന്ററി കമ്മിറ്റിയിലേക്ക് മൂന്നു പുരുഷന്‍മാരെ നിയമിച്ചതുമായി ബന്ധപ്പെട്ട് കുവൈത്ത് ഓണ്‍ലൈന്‍ പോര്‍ട്ടലാണ് വാര്‍ത്ത പ്രസിദ്ധീകരിച്ചത്. എന്നാല്‍ അതോടൊപ്പം നല്‍കിയ മൂന്നു പുരുഷ പാര്‍ലമെന്റ് അംഘങ്ങളുടെ ഫോട്ടോ സോഷ്യല്‍ മീഡിയയില്‍ വ്യാപകമായി ട്രോള്‍ ചെയ്യപ്പെടുകയായിരുന്നു.

പുരുഷന്‍മാര്‍ മാത്രമുള്ള വനിതാ കമ്മിറ്റി അംഗങ്ങളെന്ന് പറഞ്ഞാണ് പലരും ഈ ചിത്രം പരിഹാസ കമന്റുകളോടെ പോസ്റ്റ് ചെയ്തിരിക്കുന്നത്. ‘ഇതെന്തൊരു നാണക്കേട്, മുഗാബെയും ഗദ്ദാഫിയും പോലും ഇത് ചെയ്‌തെന്നു വരില്ല’ എന്നായിരുന്നു ഒരാളുടെ കമന്റ്. സോറി ലേഡീസ് എന്ന കുറിപ്പോടെയാണ് മറ്റൊരാള്‍ ചിത്രം പോസ്റ്റ് ചെയ്തിരിക്കുന്നത്. ഇവരെ കണ്ടിട്ട് സ്ത്രീകളെ പോലെ തോന്നുന്നില്ലല്ലോ എന്നാണ് മറ്റൊരാളുടെ കമന്റ്. തെരഞ്ഞെടുപ്പില്‍ പുരുഷന്‍മാര്‍ക്ക് വോട്ട് ചെയ്ത വനിതകള്‍ക്ക് ഇങ്ങനെ തന്നെ വേണം എന്നാണ് മറ്റൊരാള്‍ പരിഹസിച്ചത്.

65 അംഗ നാഷനല്‍ അസംബ്ലിയിലെ 50 സീറ്റുകളിലേക്കാണ് ഡിസംബര്‍ ആദ്യ വാരം തെരഞ്ഞെടുപ്പ് നടന്നത്. ബാക്കി 15 പേര്‍ നാമനിര്‍ദ്ദേശം ചെയ്യപ്പെടുകയാണ് പതിവ്. രാഷ്ട്രീയ പാര്‍ട്ടികളില്ലാത്ത കുവൈത്തില്‍ സ്ഥാനാര്‍ഥികള്‍ സ്വതന്ത്രരായാണ് മല്‍സരിക്കാറ്. കഴിഞ്ഞ തെരഞ്ഞെടുപ്പില്‍ 29 വനിതാ സ്ഥാനാര്‍ഥികള്‍ മല്‍സര രംഗത്തുണ്ടായിരുന്നുവെങ്കിലും ഒരാള്‍ പോലും തെരഞ്ഞെടുക്കപ്പെട്ടിരുന്നില്ല.

Author

webdesk.mex@gmail.com

Leave a Reply

Your email address will not be published. Required fields are marked *