0 Comments

വായു മലിനീകരണം മൂലം ഏറ്റവും കൂടുതൽ ആളോഹരി സാമ്പത്തിക നഷ്ടം ഡൽഹിയിൽ ഉണ്ടായതായി മെഡിക്കൽ ജേണൽ ലാൻസെറ്റിൽ നടത്തിയ പഠനത്തിൽ പറയുന്നു. കഴിഞ്ഞവർഷം വായു മലിനീകരണത്തെ തുടർന്നുണ്ടായ അകാല മരണവും രോഗാവസ്ഥയും മൂലം 1.06 ശതമാനം സാമ്പത്തിക നഷ്ടമാണ് ഡൽഹിയിലുണ്ടായത്. വായു മലിനീകരണം ഇതിനകം തന്നെ പൗരന്മാരുടെ ആരോഗ്യത്തെ വളരെയധികം ബാധിക്കുകയും സർക്കാരിനെ പ്രതിസന്ധിയിലാക്കുകയും ചെയ്തിട്ടുണ്ട്.

രാജ്യതലസ്ഥാനത്തെ മലിനീകരണ ഭീഷണി പരിഹരിക്കുന്നതിന് സർക്കാർ പുതിയ ഭരണ സംവിധാനം ആവിഷ്കരിക്കാൻ നിർബന്ധിക്കുകയും ചെയ്തിരുന്നു. ഉത്തർപ്രദേശിനെയാണ് വായു മലിനീകരണം കൂടുതലായും ബാധിച്ചത്. 1.34 ശതമാനം ജിഡിപി നഷ്ടമാണ് ഇവിടെ ഉണ്ടായത്. വായു മലിനീകരണം മൂലം ഏറ്റവും കൂടുതൽ ആളോഹരി സാമ്പത്തിക നഷ്ടം ഡൽഹിയിലാണുണ്ടായത്. ഇവിടെ പ്രതിശീർഷ സാമ്പത്തിക നഷ്ടം വളരെ ഉയർന്നതാണ്. 2019ൽ ഇന്ത്യയിൽ അന്തരീക്ഷ മലിനീകരണം മൂലം 1.67 ദശലക്ഷം മരണങ്ങളുണ്ടായതായി പഠനത്തിൽ കണ്ടെത്തി.

ഇത് രാജ്യത്തെ മൊത്തം മരണങ്ങളിൽ 17.8 ശതമാനം വരും. 1990 മുതൽ 2019 വരെ ഗാർഹിക വായു മലിനീകരണം മൂലമുണ്ടാകുന്ന മരണനിരക്ക് 64.2 ശതമാനമായി കുറഞ്ഞിട്ടുണ്ട്. ഇന്ധനങ്ങളുടെ ഉപയോഗം കുറച്ചതാണ് ഇതിന് കാരണം. അതേസമയം അന്തരീക്ഷ കണികാ മലിനീകരണം 115.3 ശതമാനമായും ആംബിയന്റ് ഓസോൺ മലിനീകരണം 139.2 ശതമാനമായും വർധിച്ചതായി പഠനം പറയുന്നു.

അതേസമയം ഉയർന്ന വായു മലിനീകരണം കാരണം രാജ്യം സാമ്പത്തികമായും ഏറെ നഷ്ടം നേരിടേണ്ടി വന്നതായി സർവേ റിപ്പോർട്ടുകൾ. 2019ലെ കണക്കനുസരിച്ച് വായു മലിനീകരണത്തെ തുടർന്നുണ്ടായ രോഗങ്ങൾ, മരണങ്ങൾ, അപകടങ്ങൾ എന്നിവ മൂലം രാജ്യത്തുണ്ടായ സാമ്പത്തികനഷ്ടം ഏകദേശം രണ്ടര ലക്ഷം കോടി രൂപയാണ്. ജിഡിപിയുടെ 1.36 ശതമാനം വരുമിതെന്നും ന്യൂ സയന്റഫിക്ക് പേപ്പർ നൽകിയ റിപ്പോർട്ടിൽ പറയുന്നു.

Author

webdesk.mex@gmail.com

Leave a Reply

Your email address will not be published. Required fields are marked *