0 Comments

 

കൊവിഡ് പ്രതിരോധ വാക്‌സിനെടുക്കാന്‍ ബഹ്‌റൈന്‍ ആരോഗ്യ കേന്ദ്രങ്ങളില്‍ വന്‍ ജനക്കൂട്ടം. തിക്കും തിരക്കും നിയന്ത്രിക്കാനാവാതെ വന്നപ്പോള്‍ ഓണ്‍ലൈന്‍ രജിസ്‌ട്രേഷന്‍ നിര്‍ബന്ധമാക്കിയിരിക്കുകയാണ് ആരോഗ്യമന്ത്രാലയം. മന്ത്രാലയത്തിന്റെ വെബ്‌സൈറ്റായ healthalert.gov.bh വഴിയാണ് രജിസ്റ്റര്‍ ചെയ്യേണ്ടത്.

നേരത്തേ വാക്‌സിനെടുക്കാന്‍ ബഹ്‌റൈന്‍ രജിസ്‌ട്രേഷന്‍ നിര്‍ബന്ധമാക്കിയിരുന്നില്ല. എന്നാല്‍ എല്ലാവരും തൊട്ടടുത്തുള്ള ആരോഗ്യ കേന്ദ്രത്തില്‍ വാക്‌സിനെടുക്കാന്‍ കൂട്ടത്തോടെ എത്തിയത് വലിയ പ്രതിസന്ധി സൃഷ്ടിക്കുകയായിരുന്നു. സാമൂഹ്യ അകലം പാലിക്കാതെ ആളുകള്‍ തടിച്ചുകൂടുന്നത് വലിയ പ്രശ്‌നങ്ങള്‍ക്ക് കാരണമാവുമെന്നായപ്പോഴാണ് രജിസ്‌ട്രേഷന്‍ നിര്‍ബന്ധമാക്കിയത്. മുന്‍കൂട്ടി രജിസ്റ്റര്‍ ചെയ്യാതെ വരുന്ന ആര്‍ക്കും വാക്‌സിന്‍ നല്‍കില്ലെന്ന് മന്ത്രാലയം വ്യക്തമാക്കി. ഓണ്‍ലൈനായി രജിസ്റ്റര്‍ ചെയ്യുന്നവര്‍ക്ക് വാക്‌സിനെടുക്കാന്‍ എത്തേണ്ട സ്ഥലവും സമയവും മൊബൈലിലേക്ക് എസ്എംഎസായി അറിയിക്കും. ഇതനുസരിച്ച് വരുന്നവര്‍ക്ക് മാത്രമേ വാക്‌സിന്‍ ലഭിക്കുകയുള്ളൂ എന്നും അധികൃതര്‍ അറിയിച്ചു.

വ്യക്തിയുടെ പേര്, ഐഡി കാര്‍ഡ് നമ്പര്‍, വയസ്സ്, രാജ്യം, മൊബൈല്‍ നമ്പര്‍, ഇമെയില്‍ ഐഡി, അഡ്രസ്, ബില്‍ഡിംഗ് നമ്പര്‍, റോഡ് നമ്പര്‍ തുടങ്ങിയ വിവരങ്ങളാണ് രജിസ്‌ട്രേഷന്‍ വേളയില്‍ നല്‍കേണ്ടത്. അതേപോലെ ഏത് വാക്‌സിന്‍ വേണമെന്ന് തെരഞ്ഞെടുക്കാനുള്ള അവസരവും രജിസ്‌ട്രേഷന്‍ വേളയില്‍ ലഭിക്കും. ചൈനീസ് മരുന്നു കമ്പനിയുടെ സിനോഫാം വാക്‌സിന്‍, യുഎസ്-ജര്‍മന്‍ കമ്പനിയായ ഫൈസര്‍-ബയോഎന്‍ടെക്ക് വാക്‌സിന്‍ എന്നിവയാണ് ബഹ്‌റൈനില്‍ വിതരണം ചെയ്യുന്നത്.

Author

webdesk.mex@gmail.com

Leave a Reply

Your email address will not be published. Required fields are marked *

error: Content is protected !!