0 Comments

മുംബൈ:  മുംബൈയിലെ തിരക്കേറിയ ചില റെയിൽവേ സ്​റ്റേഷനുകളിൽ പ്ലാറ്റ്ഫോം ടിക്കറ്റിന്​ 50 രൂപയാക്കി. തുക കൂട്ടിയത്​ അനാവശ്യമായി ആളെത്തുന്നത്​ തടയാനാണെന്നാണ്​ വാദം. മുംബൈ മെട്രോപൊളിറ്റൻ മേഖലയിലാണ്​ വർധന. നിലവിൽ 10 രൂപയാണ്​ പ്ലാറ്റ്​ഫോം ടിക്കറ്റ്​ നിരക്ക്​.

മുംബൈയിലെ ഛത്രപതി ശിവാജി മഹാരാജ്​ ടെർമിനസ്​, ദാദർ, ലോകമാന്യതിലക്​, താണെ, കല്യാൺ, പൻവേൽ, ഭീവണ്ടി റോഡ്​ സ്​റ്റേഷൻസ്​ എന്നിവയിലാണ്​ നിരക്ക്​ കൂട്ടുകയെന്ന്​ സെൻട്രൽ റെയിൽവേ വ്യക്തമാക്കി.

മാർച്ച്​ ഒന്നുമുതൽ നിലവിൽവന്ന നിരക്ക്​ ജൂൺ 15 വരെ തുടരും. വേനൽക്കാലത്തെ തിരക്ക്​ പരിഗണിച്ച്​ ആൾക്കൂട്ടം റെയിൽവേ സ്​റ്റേഷനിൽ എത്തുന്നത്​ പരമാവധി കുറക്കാനാണ്​ ടിക്കറ്റ്​ നിരക്ക്​ കൂട്ടിയതെന്നാണ്​ ഔദ്യോഗിക വിശദീകരണം. മുംബൈ നഗരത്തിൽ മാത്രം 3.25 ലക്ഷം പേർ​ കോവിഡ്​ ബാധിതരാവുകയും 11,400 പേർ മരിക്കുകയും ചെയ്​തിട്ടുണ്ട്​.

Author

vaishnavikylm@gmail.com

Leave a Reply

Your email address will not be published. Required fields are marked *

error: Content is protected !!