0 Comments

ന്യൂഡൽഹി: ഡ്രൈവർക്ക്​ പുറമേ മുൻസീറ്റിലെ യാത്രികനും എയർബാഗ്​ നിർബന്ധമാക്കി ഉത്തരവിറങ്ങി. 2021 ഏപ്രിൽ ഒന്നിന്​ ശേഷം നിർമിക്കുന്ന കാറുകൾക്കാണ്​ എയർബാഗ്​ നിർബന്ധമാക്കിയത് . കേന്ദ്ര ​ഗതാഗത-ഹൈവേ മന്ത്രാലയമാണ്​ ഉത്തരവിറക്കിയത്​.

എന്നാൽ ഇപ്പോൾ നിർമാണം നടക്കുന്ന കാറുകളിൽ 2021 ആഗസ്റ്റ്​ 31ന്​ മുമ്പ്​ എയർബാഗുകൾ ഘടിപ്പിക്കണമെന്നും ഉത്തരവിൽ വ്യക്​തമാക്കുന്നു. നിലവിൽ വാഹനങ്ങൾക്ക്​ ഉത്തരവ്​ ബാധകമല്ല.

2019 ജൂലൈയിലാണ്​ ഡ്രൈവർക്ക്​ എയർബാഗ്​ നിർബന്ധമാക്കി ഉത്തരവിറക്കിയത്​. അന്ന്​ കാറുകളുടെ വില അമിതമായി ഉയർന്നിരുന്നില്ല. യാത്രക്കാരുടെ സുരക്ഷ മുൻനിർത്തിയാണ്​ തീരുമാനമെന്നും കേന്ദ്രസർക്കാർ വിശദീകരിക്കുന്നു.

കേന്ദ്ര ഗതാഗത മന്ത്രാലയത്തിന്‍റെ കണക്കനുസരിച്ച്​ രാജ്യത്ത്​ 2019ൽ 4.49 ലക്ഷം റോഡപകടങ്ങളാണ്​ നടന്നത്​. ഇതിൽ 1.5 ലക്ഷം പേർക്ക്​ ജീവൻ നഷ്​ടമായി. ലോകത്ത്​ ഏറ്റവും കൂടുതൽ റോഡപകടങ്ങൾ നടക്കുന്ന രാജ്യങ്ങളിലൊന്നാണ്​ ഇന്ത്യ.

Author

vaishnavikylm@gmail.com

Leave a Reply

Your email address will not be published. Required fields are marked *

error: Content is protected !!