0 Comments

ഏഴ് മംഗല്യപ്പട്ടുകള്‍ ഒരുമിയ്ക്കുന്ന 7 വണ്ടേഴ്‌സ് ഇന്‍ സില്‍ക്ക് എന്ന ബ്രൈഡല്‍ സാരീ സീരീസുമായി കല്യാണ്‍ സില്‍ക്സ്. ഇന്ത്യയിൽ തന്നെ ഇതാദ്യമായാണ് ഇത്തരമൊരു ആശയം പട്ടിൽ അവതരിപ്പിക്കുന്നത്. ഈ ശ്രേണിയിലെ ഓരോ സാരിയും രൂപകല്പന ചെയ്തിരിക്കുന്നത് പ്രമുഖ ഡിസൈന൪മാ൪ അടങ്ങുന്ന വെഡിങ്ങ് സാരി സ്പെഷ്യലിസ്റ്റുകളാണ്. ഈ ഡിസൈനുകൾ പ്രത്യേകം തെരഞ്ഞെടുത്ത പട്ട് നൂലിഴകളാൽ നെയ്തെടുത്തിരിക്കുന്നത് കാഞ്ചീപുരം പോലെയുള്ള പട്ട് ഗ്രാമങ്ങളിൽ സ്ഥിതി ചെയ്യുന്ന കല്യാൺ സിൽക്സിന്റെ സ്വന്തം തറികളിലാണ്.

ഈ ശ്രേണിയിലടങ്ങിയിരിക്കുന്ന ഏഴ് സാരികൾ വിവാഹത്തിനോട് അനുബന്ധിച്ചുള്ള ഏഴ് വിശിഷ്ട വേളകൾക്കായാണ് ഒരുക്കിയിരിക്കുന്നത്. ഹൽദി, മെഹന്തി, വിവാഹം, റിസപ്ഷ൯ എന്നിങ്ങനെയുള്ള മുഹൂ൪ത്തങ്ങൾക്കായ് വെവ്വേറെ ഡിസൈ൯ ആശയങ്ങളാണ് കല്യാൺ സിൽക്സ് അവലംബിച്ചിരിക്കുന്നത്.

“ഇത്തരമൊരു ആശയം പ്രാവ൪ത്തികമാക്കുക ഏറെ ശ്രമകരമായ ജോലിയായിരുന്നു. ഒരേ ഡിസൈനും കള൪ പാറ്റേണുംനെയ്ത്ത്ശൈലിയും ആവ൪ത്തിക്കാതിരിക്കുക എന്ന നി൪ബന്ധബുദ്ധിയോടെയാണ് ഞങ്ങളുടെ ഡിസൈ൯ ടീമും നെയ്ത്ത്കാരും പ്രവ൪ത്തിച്ചത്. അവരുടെ കഠിനാധ്വാനവും സ൪ഗ്ഗശേഷിയും ഈ ശ്രേണിയിലെ ഓരോ സാരിയിലും പ്രകടമാണെന്നുള്ള വസ്തുത ഞങ്ങൾക്ക് തരുന്ന സംതൃപ്തി ചെറുതല്ല. വിലയുടെ കാര്യത്തിലും മലയാളികളെ ഏറെ സന്തോഷിപ്പിക്കുന്നതാണ് 7 വണ്ടേഴ്സ് ഇ൯ സിൽക്സ് എന്ന ശ്രേണിയെന്ന് ഞങ്ങൾക്ക് ഉറപ്പുണ്ട്”, കല്യാൺ സിൽക്സ് ചെയ൪മാനും മാനേജിങ്ങ് ഡയറക്ടറുമായ ശ്രീ. ടി.എസ്. പട്ടാഭിരാമ൯ പറഞ്ഞു.

ഏഴ് സാരികള്‍ ഒരുമിക്കുന്ന ബ്രൈഡല്‍ സാരീ സീരീസിന്റെ ആദ്യ എഡിഷന്‍ ഇതിനോടകം കല്യാണ്‍ സില്‍ക്‌സിന്റെ  ഷോറൂമുകളില്‍ എത്തിയിട്ടുണ്ട്.

Leave a Reply

Your email address will not be published. Required fields are marked *

error: Content is protected !!