0 Comments

കണ്ണൂർ: തീക്കട്ടയിലും ഉറുമ്പ് അരിക്കുമോ? കണ്ണൂർ സെന്‍ട്രൽ ജയിലിൽ മോഷണം നടത്തിയ ആളെ കുറിച്ച് സൂചന ലഭിച്ചതായി പൊലീസ്. ശിക്ഷാ കാലാവധി കഴിഞ്ഞ് പുറത്തിറങ്ങിയ അന്തേവാസികളെ കേന്ദ്രീകരിച്ചാണ് അന്വേഷണം നടക്കുന്നത്. ഫുഡ് കൗണ്ടറുകളിൽ നിന്നും ലഭിക്കുന്ന പണമാണ് മോഷണം പോയത്.ജയിലിലെ സംഭവത്തിൽ ഉത്തര മേഖല ഡിഐജിയോട് ജയിൽ ഡിജിപി ഋഷിരാജ് സിംഗ് റിപ്പോർട്ട് ആവശ്യപ്പെട്ടു.

ജയിൽ കവാടത്തത്തിലെ സി.സി ടി.വി ദൃശ്യങ്ങളെ ആശ്രയിച്ചാണ് അന്വേഷണം പുരോഗമിക്കുന്നത്. ഭക്ഷ്യ നി‍ർമ്മാണ യൂണിറ്റിൽ ജോലി ചെയ്ത് പുറത്തിറങ്ങിയ മൂന്ന് പേരെയാണ് പ്രധാനമായും സംശയിക്കുന്നത്. കോഴിക്കോട്, കണ്ണൂർ, കാസർകോട് സ്വദേശികളായ ഇവർ നേരത്തെ ജയിലിലായതും മോഷണ കേസുകളിലാണ്. ഫുഡ് കൗണ്ടറുകളിൽ നിന്നുള്ള പണം എവിടെ സൂക്ഷിക്കുന്നുവെന്ന് ഇവർക്ക് അറിവുണ്ടായിരുന്നു.

സ്ക്രൂ ഡ്രൈവർഉപയോഗിച്ചു പൂട്ട് തകർത്താണ് പണം കവർന്നിരിക്കുന്നത്. പണം സൂക്ഷിക്കുന്ന ഇടം, ചുറ്റുപാട് എന്നിവ പരിചയമുള്ളവർ ആകാനാണ് സാധ്യത എന്ന നിഗമനത്തിലാണ് അന്വേഷണം പുരോഗമിക്കുന്നത്. പുറത്തിറങ്ങിയ ജയിൽ അന്തേവാസികളിൽ ഒരാളുടെ മോഷണ രീതിയും സമാനമാണ്. ജയിൽ പരിസരവുമായി വളരെ അടുത്ത ബന്ധമുള്ള ആളായത് കൊണ്ടാണ് ഓഫീസിനു മുന്നിലെ നായ്ക്കൾ കുരയ്ക്കാത്തതെന്ന് ജീവനക്കാരും പറയുന്നു.

കുറ്റവാളികളെ എത്രയും വേഗം പിടികൂടുമെന്ന് കണ്ണൂ‍ർ ടൗണ്‍ പൊലീസ് വ്യക്തമാക്കി. അതീവ സുരക്ഷ വേണ്ട സ്ഥലത്ത് മോഷണം നടന്നത് ജയിൽ വകുപ്പിന് വലിയ നാണക്കേടായിരിക്കുകയാണ്. സുരക്ഷ വീഴ്ചയുണ്ടായോന്ന് പരിശോധിക്കാൻ ജയിൽ ഡിജിപി ഉത്തരമേഖല ഡിഐജിയോട് റിപ്പോർട്ട് ആവശ്യപ്പെട്ടിട്ടുണ്ട്.

Author

chinjumeenu2016@gmail.com

Leave a Reply

Your email address will not be published. Required fields are marked *

error: Content is protected !!