0 Comments
കൊച്ചി : സംഗീത സംഭാഷണങ്ങൾ നിറഞ്ഞ പൂർണമായും സിംഗപ്പൂരിൽ നിർമ്മിച്ച ഹ്രസ്വ ചിത്രം നീലാംബരി ആഗസ്റ്റ് 20 മുതൽ നീസ്ട്രിമിൽ പ്രദർശനത്തിനെത്തുന്നു. ആദിത്യ മസുന്ദർ സംവിധാനം ചെയ്തിരിക്കുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് അവാർഡ് ജേതാവ് ശിൽപ കൃഷ്ണൻ ശുക്ലയാണ്. തന്റെ പ്രിയപ്പെട്ട വിദ്യാർത്ഥിയുടെ ജീവിതത്തിലെ ഏറ്റവും വലിയ സംഗീത കച്ചേരിക്ക് മുമ്പ് അദ്ദേഹത്തെ സന്ദർശിക്കുന്ന ഒരു സംഗീത അധ്യാപകനെക്കുറിച്ചും തുടർന്ന് അവർ തമ്മിലുള്ള സംഭാഷണങ്ങളും ആണ് ചിത്രത്തിന്റെ ഇതിവൃത്തം.
ഈ ചിത്രം പത്താം ബാംഗ്ലൂർ ഷോർട്ട്സ് ഫിലിം ഫെസ്റ്റിവൽ -2021ൽ പ്രത്യേക ജൂറി പരാമർശവും,  2021ലെ കൊച്ചി അന്താരാഷ്ട്ര ചലച്ചിത്ര അവാർഡിന് ഔദ്യോഗികമായി തിരഞ്ഞെടുക്കുകയും ചെയ്തിട്ടുണ്ട്. നീസ്ട്രിമിന്റെ യൂട്യൂബ് ചാനലിലൂടെ ഈ സിനിമ കാണാവുന്നതാണ് .

പ്രേം മേനോൻ, ഗായത്രി ഗോപാൽ, മോളി മേനോൻ പ്രദീപ്, ഗീത ബാലഗംഗാധരൻ, ജയന്തി രാധാകൃഷ്ണൻ എന്നിവരാണ് ചിത്രത്തിലെ കഥാപാത്രങ്ങളെ അവതരിപ്പിച്ചിരിക്കുന്നത്. ഫോട്ടോഗ്രാഫി ഡയറക്ടർ- രമ്യ വാര്യർ, ലൊക്കേഷൻ സൗണ്ട്- ഉമാ കല്യാണി,
സൗണ്ട് ഡിസൈൻ & മിക്സിംഗ്- വിനീത് പോൾ, മാത്യു ജെനിഫ് ജോസഫ്, ഡി ഐ- കൃഷ്ണ കുമാർ.

Leave a Reply

Your email address will not be published. Required fields are marked *