0 Comments

അബുദാബി: ഇന്ത്യയിൽനിന്നുള്ള കോവിഡ് പ്രതിരോധകുത്തിവെപ്പെടുത്ത യാത്രികർക്കും ബാധകമാക്കിയ നിർബന്ധിത പി.സി.ആർ. പരിശോധന ഒഴിവാക്കുന്നത് സംബന്ധിച്ച് യു.എ.ഇ. അധികൃതരുമായി ചർച്ചനടത്താൻ കേന്ദ്ര ആഭ്യന്തരമന്ത്രാലയം വിദേശകാര്യമന്ത്രാലയത്തെ ചുമതലപ്പെടുത്തി.

നിലവിൽ 4000 രൂപവരെ ഈടാക്കുന്ന റാപ്പിഡ് പി.സി.ആർ. പരിശോധന യു.എ.ഇ. അടക്കമുള്ള ഗൾഫ് രാജ്യങ്ങളിലേക്ക് യാത്രചെയ്യുന്നവർക്ക് നിർബന്ധമാണ്. ഇന്ത്യൻ വിമാനത്താവളങ്ങളിൽ നിന്ന് യു.എ.ഇ.യിലേക്ക് പോകുന്നവർക്ക് യാത്രയുടെ ആറുമണിക്കൂറിനകം റാപ്പിഡ് പി.സി.ആർ. പരിശോധന നടത്തണം. ഇന്ത്യ, പാകിസ്താൻ, നേപ്പാൾ, ശ്രീലങ്ക, യുഗാൺഡ എന്നീ രാജ്യങ്ങളിൽനിന്നുള്ളവർക്കാണ് യു.എ.ഇ.യിൽ നിർബന്ധിത പരിശോധന വേണ്ടത്.

രണ്ടുഡോസ് വാക്സിൻ സ്വീകരിച്ചവരെ പി.സി.ആർ. പരിശോധനയിൽ നിന്ന് ഒഴിവാക്കണമെന്നാണ് ആഭ്യന്തര വകുപ്പിന്റെ ആവശ്യം. കോവിഡിനെത്തുടർന്ന് സാമ്പത്തികപ്രയാസം നേരിടുന്നവർക്ക് മടക്കയാത്രയ്ക്ക് ഒരു നിശ്ചിത തുകകൂടി ചെലവഴിക്കേണ്ടിവരുന്നത് വലിയ ബുദ്ധിമുട്ടാണെന്ന് പരാതിയുയർന്ന പശ്ചാത്തലത്തിലാണ് ഈ ഇടപെടൽ.

Leave a Reply

Your email address will not be published. Required fields are marked *