0 Comments

മുന്നോക്കക്കാരിലെ പിന്നോക്കക്കാര്‍ക്കുള്ള സാമ്പത്തിക സംവരണത്തില്‍ പ്രതികരണവുമായി മുഖ്യമന്ത്രി പിണറായി വിജയന്‍. സാമ്പത്തിക സംവരണത്തെ വൈകാരിക വിഷയമാക്കി മാറ്റാനാണ് ചിലരുടെ ശ്രമമെന്ന് മുഖ്യമന്ത്രി പറഞ്ഞു. പാവപ്പെട്ട ജനവിഭാഗങ്ങളെ കൂട്ടിയോജിപ്പിച്ച് മുന്നോട്ടുപോകാനാണ് സര്‍ക്കാര്‍ ശ്രമിക്കുന്നതെന്നും മുഖ്യമന്ത്രി പറഞ്ഞു .

മുന്നാക്കക്കാരില്‍ സാമ്പത്തികമായി പിന്നാക്കം നില്‍ക്കുന്നവരെ കണ്ടെത്തുന്നതിലേയ്ക്കുള്ള സാമ്പത്തിക സര്‍വേ ഉദ്ഘാടനം ചെയ്യുകയായിരുന്നു മുഖ്യമന്ത്രി.

മുന്നോക്ക സംവരണത്തിന്റെ പേരില്‍ വിവാദം ഉണ്ടാക്കാനാണ് ചിലരുടെ ശ്രമം എന്നും അദ്ദേഹം ആരോപിച്ചു. അട്ടിമറിച്ചല്ല സാമ്പത്തിക സംവരണം നടപ്പിലാക്കുന്നത്. 10% സംവരണം എന്നതിന്റെ പേരില്‍ വലിയ വിവാദം ഉണ്ടാക്കാനുള്ള ശ്രമമാണ് നടക്കുന്നതെന്നും എല്ലാ വിഭാഗങ്ങളിലേയും പാവപ്പെട്ടവരെയും കൂട്ടിയോജിപ്പിച്ച് ഇവര്‍ക്ക് ആനുകൂല്യം ഉറപ്പുവരുത്തുകയാണ് എല്‍ഡിഎഫ് സര്‍ക്കാരിന്റെ ലക്ഷ്യമെന്നും മുഖ്യമന്ത്രി കൂട്ടിച്ചേര്‍ത്തു.

Author

arundriveone@gmail.com

Leave a Reply

Your email address will not be published. Required fields are marked *