ഹജ്ജ് തീർഥാടകർക്കുള്ള ആദ്യ ദുബായ് വിമാനം നാളെ പുറപ്പെടും

ദുബായ് പോലീസ്, ജനറൽ ഡയറക്ടറേറ്റ് ഓഫ് റെസിഡൻറ്‌സി ആൻഡ് ഫോറിനേഴ്‌സ് അഫയേഴ്‌സ്, ദുബായ് കസ്റ്റംസ്, ദുബായ് ഹെൽത്ത് അതോറിറ്റി, ഫ്ളൈ ദുബായ്, എമിറേറ്റ്‌സ്, സൗദി എയർലൈൻസ്, ഫ്ളൈനാസ് എന്നിവ ഉൾപ്പെടെയുള്ള പ്രധാന സേവന പങ്കാളികളുടെ പ്രതിനിധികൾ ഉൾപ്പെടുന്ന ദുബായ് എയർപോർട്ട് ഹജ്ജ് കമ്മിറ്റി അടുത്തിടെ യോഗം ചേർന്നിരുന്നു. തീർഥാടകർക്കായി ചെക്ക്-ഇൻ, ഇമിഗ്രേഷൻ എന്നിവയ്ക്കായി പ്രത്യേക കൗണ്ടറുകളുണ്ട്. വിമാനത്താവളത്തിൽ എത്തുന്നതിന് മുൻപുതന്നെ തീർഥാടകർ ആവശ്യമായ രേഖകൾ കൈവശമുണ്ടെന്ന് ഉറപ്പാക്കണം. പാസ്പോർട്ട്, എമിറേറ്റ്‌സ് ഐ.ഡി., വാക്സിനേഷൻ സർട്ടിഫിക്കറ്റ്, ഹജ്ജ് പെർമിറ്റ് എന്നിവയും യാത്രയിൽ മറക്കരുത്.