0 Comments

സവാളവിലക്ക്​ പിന്നാലെ ഉരുളകിഴങ്ങ്​ വിലയും റോക്കറ്റ്​ പോലെ കുതിക്കുന്നു. ചില്ലറ വിപണിയിൽ കിലോക്ക്​ 45 രൂപയാണ്​ ഉരുളകിഴങ്ങി​െൻറ വില. സംഭരണകേന്ദ്രങ്ങളുടെ അഭാവവും കോവിഡ്​ 19നെ തുടർന്ന്​ പ്രഖ്യാപിച്ച ​ലോക്​ഡൗണിൽ വിള​വെടുപ്പ്​ വൈകിയതും വിളനാശവുമാണ്​ വിലക്കയറ്റത്തിന്​ പ്രധാന കാരണം.

ഉരുളകിഴങ്ങ്​ ക്ഷാ​മം നേരിടുന്നതിനെ തുടർന്ന്​ ഭൂട്ടാനിൽനിന്ന്​ ഇറക്കുമതി ചെയ്യാനാണ്​ കേന്ദ്രത്തി​െൻറ തീരുമാനമെന്ന്​ ടൈംസ്​ ഒാഫ്​ ഇന്ത്യ റിപ്പോർട്ട്​ ​ചെയ്യുന്നു.

അടുത്ത ദിവസങ്ങളിലായി 30,000 ടൺ ഉരുളകിഴങ്ങ്​ ഇന്ത്യയി​ലെത്തും -കേന്ദ്രമന്ത്രി പീയുഷ്​ ഗോയൽ അറിയിച്ചതായി ഇന്ത്യൻ എക്​സ്​പ്രസ്​ റിപ്പോർട്ട്​ ചെയ്​തു.

അടുത്ത വർഷം ജനുവരി വരെ 10ലക്ഷം ടൺ ഉരുളകിഴങ്ങ്​ ഇറക്കുമതി ചെയ്യാനാണ്​ നീക്കമെന്നാണ്​ വിവരം.

കേന്ദ്ര ഉപഭോക്തൃകാര്യ, ഭക്ഷ്യ, പൊതുവിതരണ മന്ത്രാലയത്തി​െൻറ കണക്കുപ്രകാരം ഉരുളകിഴങ്ങി​െൻറ ചില്ലറ വിൽപ്പന വിലയിൽ കിലോക്ക്​ 39.30 രൂപയുടെ വർധനയുണ്ടായി. 130 മാസത്തെ ഏറ്റവും ഉയർന്ന വിലയാണിത്​. 2019 ഒക്​ടോബറിൽ കിലോക്ക്​ 20.57 രൂപയായിരുന്നു ഉരുളകിഴങ്ങി​െൻറ വില.

സാധാരണ സെപ്​റ്റംബർ മുതൽ നവംബർ വരെ ഉരുളകിഴങ്ങ്​ വില ഉയരാറുണ്ടെങ്കിലും ​​​ലോക്​ഡൗൺ പ്രതിസന്ധി വിലവർധന ഇരട്ടിയാക്കുകയായിരുന്നു. ഫെബ്രുവരി- മാർച്ച്​ മാസങ്ങളിൽ കിലോക്ക്​ 23 രൂപയായിരുന്നു വില.

മുൻ വർഷങ്ങളെ അപേക്ഷിച്ച്​ സംഭരണം കുറഞ്ഞതാണ്​ വിലവർധനവി​െൻറ പ്രധാന കാരണം. ലോക്​ഡൗണിന്​ ശേഷം ഉരുളകിഴങ്ങ്​ വിലയിൽ വർധനവുണ്ടാകുമെന്ന്​ കാർഷിക മന്ത്രാലയം മുന്നറിയിപ്പ്​ നൽകുകയും ചെയ്​തിരുന്നു. വിലക്കയറ്റം തടയുന്നതിനോ വിതരണം വർധിപ്പിക്കുന്നതിനോ കൂടുതലൊന്നും ചെയ്യാതിരുന്നതാണ്​ പ്രതിസന്ധിക്ക്​ മറ്റൊരു കാരണം. ഇൗ വർഷം ഏപ്രിൽ മുതൽ ആഗസ്​റ്റ്​ വരെ 1.23ലക്ഷം മെട്രിക്​ ടൺ ഉരുളകിഴങ്ങ്​ വിവിധ രാജ്യങ്ങളിലേക്ക്​​ കയറ്റുമതി ചെയ്​തിരുന്നു.

ഉത്തർപ്രദേശ്​, പശ്ചിമ ബംഗാൾ, ബിഹാർ, ഗുജറാത്ത്​, മധ്യപ്രദേശ്​, പഞ്ചാബ്​, അസം, ഛത്തീസ്​ഖഡ്​, ജാർഖണ്ഡ്​, ഹരിയാന തുടങ്ങിയവയാണ്​ ഉരുളകിഴങ്ങ്​ ഉൽപ്പാദിപ്പിക്കുന്ന പ്രധാന സംസ്​ഥാനങ്ങൾ

Author

webdesk.mex@gmail.com

Leave a Reply

Your email address will not be published. Required fields are marked *