ന്യൂഡൽഹി: കഴിഞ്ഞ 24 മണിക്കൂറിനിടെ രാജ്യത്ത് 46,254 പേര്‍ക്ക് കോവിഡ് സ്ഥിരീകരിച്ചു. 514 പേര്‍ മരിച്ചു. കോവിഡ് ബാധിതരുടെ എണ്ണം ഇതോടെ രാജ്യത്തെ 83,13,877 ആയി. മരണസംഖ്യ 1,23,611 ആയി ഉയര്‍ന്നു.
5,33,787 പേര്‍ വിവിധ സംസ്ഥാനങ്ങളിലായി ചികിത്സയില്‍ കഴിയുന്നുണ്ട്. 76,56,478 പേര്‍ രോഗമുക്തരായി. രോഗമുക്തി നിരക്കില്‍ ആഗോളതലത്തില്‍ മുന്‍പന്തിയില്‍ നില്‍ക്കുന്നത് ഇന്ത്യയാണെന്നാണ് കണക്കുകള്‍ സൂചിപ്പിക്കുന്നത്. തമിഴ്‌നാട്, ആന്ധ്രാപ്രദേശ്, മഹാരാഷ്ട്ര, ഡല്‍ഹി തുടങ്ങിയ സംസ്ഥാനങ്ങളിലാണ് കോവിഡ് രോഗികളുടെ എണ്ണം വര്‍ധിക്കുന്നത്.
