0 Comments

 

റിയാദ്​: സൗദി അറേബ്യയിൽ വാഹനങ്ങൾ കൂട്ടിയിടിച്ചുണ്ടായ അപകടത്തിൽ​ പ്രവാസി മലയാളിയായ യുവാവ്​ മരിച്ചു. ജിദ്ദയിൽ നിന്ന്​ 50 കിലോമീറ്ററകലെ ഖുൻഫുദ റോഡിലുണ്ടായ അപകടത്തിൽ കണ്ണൂർ തലശേരി ധർമടം മീത്തൽപ്പീടിക സ്വദേശി കരിപ്പാൽ മുഹമ്മദ് ഷജീർ (36) ആണ്​ മരിച്ചത്​.

ഖുൻഫുദയിൽ നിന്നും സുഹൃത്ത് മലപ്പുറം എടവണ്ണ സ്വദേശി മുഹമ്മദ് ഷമീമിനോടൊപ്പം ജിദ്ദയിലേക്ക് വരുന്ന വഴി ഇവർ സഞ്ചരിച്ച വാഹനം ട്രൈലറുമായി കൂട്ടിയിടിക്കുകയായിരുന്നു. മുഹമ്മദ് ഷജീർ സംഭവസ്ഥലത്ത്​ തന്നെ മരിച്ചു. വാഹനമോടിച്ച മുഹമ്മദ് ഷമീമിന് നിസാര പരിക്കേറ്റു.

ജിദ്ദയിൽ നിന്നും ചരക്കുകൾ എടുത്തു ഖുൻഫുദയിൽ കച്ചവടം നടത്തിവരികയായിരുന്നു മരിച്ച മുഹമ്മദ് ഷജീർ. മഹ്ജർ കിങ്​ അബ്​ദുൽ അസീസ് ആശുപത്രിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾക്കു ശേഷം ജിദ്ദയിൽ ഖബറടക്കും. ഹർഷിനയാണ് ഭാര്യ. രണ്ട് ആൺകുട്ടികളും ഒരു പെൺകുട്ടിയുമുണ്ട്.

Leave a Reply

Your email address will not be published. Required fields are marked *

error: Content is protected !!