വെള്ളമുണ്ട: ഫുട്ബോൾ ടൂർണമെന്‍റിനിടയിലും പൗരത്വഭേദഗതി നിയമത്തിനെതിരെ പ്രതിഷേധം. വെള്ളമുണ്ടയിൽ നടക്കുന്ന സെവൻസ് ഫുട്ബോൾ ടൂർണമെന്‍റിന്‍റെ ഇടവേളയിലാണ് കാണികൾ വേറിട്ട പ്രതിഷേധം സംഘടിപ്പിച്ചത്.
ഐ.എം. വിജയൻ, ആസിഫ് സഹീർ തുടങ്ങിയവർ പങ്കെടുത്ത ലെജൻട്രി മാച്ചിന്‍റെ ആദ്യപകുതിയിലാണ് ഗാലറിയിൽ നിന്നും ആസാദി വിളികളുയർത്തി യുവാക്കൾ പൗരത്വനിയമത്തിനെതിരായുള്ള വികാരം പ്രകടിപ്പിച്ചത്. സ്നേഹത്തിൽ കഴിയുന്ന ജനതയെ മതത്തിന്‍റെ പേരിൽ ഭിന്നിപ്പിക്കരുതെന്നും നോ എൻആർസി നോ സിഎബി തുടങ്ങിയ മുദ്രാവാക്യങ്ങളുമെഴുതിയ ബാനറുകൾ ഉയർത്തിക്കാട്ടിയായിരുന്നു മുദ്യാവാക്യം വിളികളുയർന്നത്.
