വാഷിംഗ്ടൺ: ഇറാൻ ജനറൽ ഖാസിം സുലൈമാനിയുടെ വധത്തിനു പ്രതികാരം ചെയ്താൽ ശക്തമായി തിരിച്ചടിക്കുമെന്ന് യുഎസ് പ്രസിഡന്‍റ് ഡോണൾഡ് ട്രംപ്. അവർ എന്തെങ്കിലും ചെയ്താൽ വലിയ തിരിച്ചടിയാകും ഉണ്ടാകുക- ട്രംപ് മാധ്യമങ്ങളോട് പറഞ്ഞു. ഫ്ലോറിഡയിലെ അവധി ആഘോഷത്തിനു ശേഷം വാഷിംഗ്ടണിലേക്ക് മടങ്ങുമ്പോഴായിരുന്നു ട്രംപിന്‍റെ പ്രതികരണം.
അമേരിക്കൻ സൈനികരെ പുറത്താക്കാൻ ഇറാക്ക് പാർലമെന്‍റ് തീരുമാനിച്ചാൽ വലിയ ഉപരോധം നേരിടേണ്ടിവരുമെന്നും ട്രംപ് ഭീഷണി മുഴക്കി. അവർ തങ്ങളോട് പുറത്തുപോകാൻ ആവശ്യപ്പെട്ടാൽ, അത് സൗഹാർദപരമല്ലെങ്കിൽ വലിയ ഉപരോധമാകും നേരിടേണ്ടിവരികയെന്നും ട്രംപ് അറിയിച്ചു.
