കൊല്ലം: തൃശൂർ തേക്കിൻ‌കാട് മൈതാനിയിൽ നടന്നുവരുന്ന അന്തർദേശീയ കാർഷിക പ്രദർശനത്തിൽ (വൈഗ-2020) കൊല്ലം ജില്ല അവതരിപ്പിച്ച സ്റ്റാൾ ഏറെ ശ്രദ്ധേയമായി. കാർഷിക വികസന കർഷക ക്ഷേമവകുപ്പിന്‍റെ നേതൃത്വത്തിലായിരുന്നു കൊല്ലം സ്റ്റാൾ സജ്ജീകരിച്ചത്.
ഹരിത പ്രോട്ടോക്കൾ അനുസരിച്ചും പരിസ്ഥിതി സൗഹൃദവുമായിട്ടാണ് സ്റ്റാളിന്‍റെ പ്രവർത്തനം.
മുളയും കയറും ഉപയോഗിച്ചുള്ള വെർട്ടിക്കൽ ഗാർഡനാണ് പ്രദർശനത്തിന്‍റെ ആകർഷണം. അലങ്കാരച്ചെടികളുടെ വൈവിധ്യങ്ങൾ തന്നെ സ്റ്റാളിലുണ്ട്. പച്ചക്കറികളും പഴവർഗങ്ങളും കൊണ്ട് നിർമിച്ച നിരവധി വ്യത്യസ്ഥങ്ങളായ രൂപങ്ങളും പ്രദർശനത്തിനുണ്ട്.
