വിജയവാഡ: നിരോധനാജ്ഞ ലംഘിച്ച് പദയാത്ര നടത്തിയതിന് ടിഡിപി അധ്യക്ഷനും മുൻ ആന്ധ്ര മുഖ്യമന്ത്രിയുമായ ചന്ദ്രബാബു നായിഡുവിനെ പോലീസ് അറസ്റ്റ് ചെയ്തു.
ആന്ധ്രയുടെ തലസ്ഥാനം അമരാവതിയിൽ നിന്ന് മാറ്റാനുള്ള നീക്കത്തിൽ പ്രതിഷേധിച്ച് ബുധനാഴ്ച രാത്രിയിൽ വിജയവാഡയിൽ നടത്തിയ പദയാത്രക്കിടെയാണ് നായിഡു അറസ്റ്റിലായത്.
എന്നാൽ നായിഡുവിന്റെ അറസ്റ്റിൽ സംസ്ഥാനത്ത് പ്രതിഷേധം ശക്തമാകുകയാണ്. ടിഡിപി പ്രവർത്തകൻ ജീവനൊടുക്കാൻ ശ്രമിച്ചതായും റിപ്പോർട്ടുകൾ പുറത്തുവരുന്നുണ്ട്.