പി.ബി​ജു സി​പി​എ​മ്മി​ന്‍റെ സൗ​മ്യ മു​ഖം

തി​രു​വ​ന​ന്ത​പു​രം: വി​ദ്യാ​ർ​ഥി പ്ര​സ്ഥാ​ന​ത്തി​ലൂ​ടെ പൊ​തു​രം​ഗ​ത്ത് എ​ത്തി​യ യു​വ​ജ​ന നേ​താ​വാ​യി​രു​ന്നു പി.​ബി​ജു. എ​സ്എ​ഫ്ഐ സം​സ്ഥാ​ന സെ​ക്ര​ട്ട​റി ഡി​വൈ​എ​ഫ്ഐ സം​സ്ഥാ​ന ട്രെ​ഷ​റ​ർ പി ​എം ജി​ല്ലാ ക​മ്മ​റ്റി അം​ഗം തുടങ്ങി നിരവധി നി​ല​ക​ളി​ൽ പ്ര​വ​ർ​ത്തി​ച്ചി​ട്ടു​ണ്ട്.

യു​ഡി​എ​ഫ് സ​ർ​ക്കാ​രി​ന്‍റെ കാ​ല​ത്ത് സ്വാ​ശ്ര​യ സ​മ​ര​ത്തി​ന്‍റെ മു​ന്ന​ണി പോ​രാ​ളി ആ​യി​രു​ന്നു അദ്ദേഹം. നി​ര​വ​ധി സ​മ​ര​ങ്ങ​ളി​ൽ പ​ങ്കെ​ടു​ത്ത​തി​ന്‍റെ പേ​രി​ൽ പോ​ലീ​സ് മ​ർ​ദ​നം, ജ​യി​ൽ​വാ​സം എ​ന്നി​വ അ​നു​ഭവിക്കേണ്ടി വന്നിട്ടുണ്ട്.

പി​ണ​റാ​യി വി​ജ​യ​ൻ സ​ർ​ക്കാ​രി​ന്‍റെ തു​ട​ക്ക​ത്തിലാണ് സംസ്ഥാന യു​വ​ജ​ന​ക്ഷേ​മ ബോ​ർ​ഡി​ന്‍റെ വൈ​സ് ചെ​യ​ർ​മാ​നാ​യത്. സൗ​മ്യ​നാ​യ സ​ഖാ​വാ​യി ആ​ണ് പാർട്ടിപ്ര​വ​ർ​ത്ത​ക​ർ ബി​ജു​വി​നെ ക​ണ്ട​ത്. ത​ന്‍റെ ശാ​രീ​രി​ക അ​വ​ശ​ത​ക​ളെ മ​റി​ക​ട​ന്ന് സ​മ​ര​ങ്ങ​ളി​ലെ തീ​പ്പൊ​രി നേ​താ​വാ​യി​രു​ന്നു അദ്ദേഹം.

യു​വ​ജ​ന ക്ഷേ​മ ബോ​ർ​ഡി​ൽ വൈ​വി​ധ്യ​മാ​ർ​ന്ന പ​രി​പാ​ടി​ക​ൾ ന​ട​ത്തി​യും ചു​രു​ങ്ങി​യ കാ​ലം​കൊ​ണ്ട് അദ്ദേഹം ശ്ര​ദ്ധേ​ നേടി. സി​പി​എ​മ്മി​നെ സം​ബ​ന്ധി​ച്ച് കനത്ത ന​ഷ്ടം ത​ന്നെ​യാ​ണ് ബി​ജു​വി​ന്‍റെ ഈ അപ്രതീക്ഷിത വേ​ർ​പാ​ട്. ചാ​ന​ൽ ച​ർ​ച്ച​ക​ളി​ല​ട​ക്കം സ്ഥിരസാന്നിധ്യമായിരുന്നു.
കോ​വി​ഡ് ബാ​ധി​ച്ച് ചി​കി​ത്സ​യി​ലി​രി​ക്കെ ന്യൂ​മോ​ണി​യ ബാ​ധി​ക്കു​ക​യും വൃ​ക്ക​ക​ൾ ത​ക​രാ​റി​ലാ​യ​തി​നെ തു​ട​ർ​ന്ന് മൂ​ന്ന് ദി​വ​സ​മാ​യി തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ​യാ​ണ് അ​ന്ത്യം.

ക​ഴി​ഞ്ഞ ഒ​ന്ന​ര പ​തി​റ്റാ​ണ്ടാ​യി ത​ല​സ്ഥാ​ന​ത്തെ സ​മ​ര സാ​ന്നി​ധ്യ​മാ​യി​രു​ന്നു.​തി​രു​വ​ന​ന്ത​പു​രം വെ​ഞ്ഞാ​റ​മൂ​ട് സ്വ​ദേ​ശി​യാ​യ ബി​ജു വി​വാ​ഹി​ത​നാ​ണ്. ര​ണ്ട് മ​ക്ക​ളു​ണ്ട്.